12:56 08 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Հայաստան
Ստանալ կարճ հղումը
50 0 0

ՀՀ-ում Ռուսաստանի դեսպանատունը նոր տվյալներ է հրապարակել, թե քանի քաղաքացի է Հայաստանից Ռուսաստան վերադարձել համավարակի ամբողջ ընթացքում։

ԵՐԵՎԱՆ, 30 հուլիսի - Sputnik. Երևանից դեպի Միներալնիե Վոդի չարտերային չվերթով հայրենիք են վերադարձել ևս 98 ռուսաստանցիներ: Ռուսաստանի դեսպանատունը Facebook-ի պաշտոնական էջում տեղեկացնում է, որ Երևան - Միներալնիե Վոդի – Երևան երթուղով ՀՀ քաղաքացիների համար նախապատրաստվող տարհանման չվերթի մասին տեղեկություններ ստանալուց հետո դեսպանատունը դիտարկել է ռուսաստանցիներին հայրենիք վերադարձնելու հնարավորությունը։

«Անհրաժեշտ համաձայնեցումներ են ձեռք բերվել Ռուսաստանի տարածաշրջանային իշխանությունների, նախարարությունների եւ գերատեսչությունների, ինչպես նաև Ռուսաստանի կառավարությանն առընթեր օպերատիվ շտաբի հետ։ Արդյունքում հուլիսի 30 - ին նշված չվերթով տուն են վերադարձել ևս 98 ռուսաստանցիներ», - ասված է դիվանագիտական ներկայացուցչության հաղորդագրության մեջ:

Ընդհանուր առմամբ, համալիր աշխատանքի շրջանակներում կորոնավիրուսի համավարակի շրջանում Հայաստանից դուրս է բերվել 3284 մարդ։ Ռուսաստանցիների՝ հայրենիք վերադարձի կազմակերպման աշխատանքները շարունակվում են։

Ավելի քան 120 ռուսաստանցի տուն են վերադարձել Երևան-Նովոսիբիրսկ չվերթով

թեգերը:
դեսպանատուն, թռիչք, չվերթ, Հայաստան, Ռուսաստան

Գլխավոր թեմաներ