12:58 08 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Հայաստան
Ստանալ կարճ հղումը
65 0 0

ՀՀ վարչապետը Ռոմանոս Պետրոսյանին ներկայացնելիս խոսեց նաև ոլորտի խնդիրների մասին։ Նոր նախարարը վստահեցրեց, որ իր ջանքերը չի խնայելու ավելի պաշտպանված շրջակա միջավայր ունենալու համար։

ԵՐԵՎԱՆ, 31 հուլիսի – Sputnik. ՀՀ շրջակա միջավայրի նախկին նախարար Էրիկ Գրիգորյանը ոլորտի լավագույն մասնագետներից է։ Նման կարծիք հայտնեց ՀՀ վարչապետ Նիկոլ Փաշինյանը` շնորհակալություն հայտնելով Գրիգորյանին պաշտոնավարման համար և նախարարության աշխատակազմին ներկայացնելով նորանշանակ նախարար Ռոմանոս Պետրոսյանին։

«Բնապահպանության կամ բնության նկատմամբ կա ծայրահեղ մոտեցում` մի դեպքում հանդիպում ենք բնության պաշտամունքի, մյուս դեպքում` բնության կատարյալ արհամարհանքի։ Մեր խնդիրն է գտնել բալանսավորված ճիշտ մոտեցում»,–ասաց վարչապետը։

Նրա խոսքով` իրենց քաղաքականության հիմքում դրված է կանաչ Հայաստանի գաղափարը, ինչին հասնելու համար շատ աշխատանք կա։ Ըստ Փաշինյանի` ասել, որ պետք է հրաժարվել բնական պաշարների օգտագործումից ընդհանրապես, խելամիտ և ճիշտ չէ, սակայն դրանք պետք է այնպես և այնքան օգտագործել, որ բնական աղետների ճանապարհով չգնանք։

Փաշինյանն ասաց` ոլորտում մի շարք խնդիրներ կան` սկսած անկառավարվող աղբի ծավալներից մինչև Սևանա լճի խնդիր։

Էրիկ Գրիգորյանն էլ իր հերթին շնորհակալություն հայտնեց աշխատակազմին` ասելով, որ թիմում ներգրավել են լավագույն մասնագետներին։ Նա նշեց, որ պաշտոնավարման ընթացքում էական դրական փոփոխություններ են արձանագրել անտառների, ՀԷԿ–երի ոլորտում։

Գրիգորյանի խոսքով` ՀՀ յուրաքանչյուր քաղաքացու համար պատիվ է ծառայել իր երկրին ու քաղաքացիներին։ Նորանշանակ նախարար Ռոմանոս Պետրոսյանն էլ շնորհակալություն հայտնեց բարձր վստահության համար` վստահեցնելով, որ իր ջանքերը չի խնայելու ավելի պաշտպանված շրջակա միջավայր ունենալու համար։ «Հետհեղափոխական Հայաստանում այսօր ընթանում են խորքային բարեփոխումներ, այդ թվում նաև շրջակա միջավայրի ոլորտում, ինչնյ էլ անդրադառնում է կյանքի որակի վրա»,–ասաց Պետրոսյանը։

Հիշեցնենք` Ռոմանոս Պետրոսյանը երեկ նշանակվեց շրջակա միջավայրի նախարար` ազատվելով Կոտայքի մարզպետի պաշտոնից։  Sputnik Արմենիայի տեղեկություններով, մարզպետի պաշտոնում նրան կփոխարինի ՀՀ նախկին ոստիկանապետ Արման Սարգսյանը, որն այդ պաշտոնից ազատվել էր հունիսի 8-ին։

Ըստ թեմայի

«Իկրայի գործը» չի մոռացվել. Փաշինյանի դուստրը Սամսոնյանից նաև 2 մլն դրամ է պահանջում
Ռեկտորի պաշտոնն ու իրար հակասող որոշումները. Գալոյանը կարո՞ղ է ղեկավարել ՀՊՏՀ–ն
ԱԱԾ նախկին տնօրեն Էդուարդ Մարտիրոսյանին նոր պաշտոն կտան. «Հրապարակ»
թեգերը:
Ռոմանոս Պետրոսյան, Նիկոլ Փաշինյան, Հայաստան

Գլխավոր թեմաներ