ԵՐԵՎԱՆ, 4 օգոստոսի – Sputnik. Հայկական YEA ընկերությունը (Yerevan Engineering Association) NASA–ի արտոնագիր է ստացել թոքերի օդափոխման համակարգեր արտադրելու համար։ Այս մասին գրված է JPL NASA լաբորատորիայի պաշտոնական կայքում։
Ընկերությունը մտադիր է արտադրությունը սկսել 2-3 ամսից (սակայն սա դեռ վերջնական ժամկետ չէ)։
Նորության մասին հայտնել է նաև ՀՀ բարձր տեխնոլոգիական արդյունաբերության նախարար Հակոբ Արշակյանը։
NASA–ի Jet Propulsion Laboratory (JPL) լաբորատորիան սարքերի նախագիծը կազմել է ապրիլին։ Այնուհետև միջազգային մրցույթ է հայտարարվել արտադրող ընկերությանն ընտրելու համար։ Լիցենզավորման մրցույթին 42 երկրներից դիմել են 330 ընկերություններ, որոնցից ընդամենը 28-ին է հաջողվել ստանալ լիցենզիա:
Ի դեպ, սարքը ստեղծողների թիմում` NASA–ում, ևս հայեր կան, ընդ որում` 10–ը։ Ինժեներները սարքն այնպիսի հաշվարկով են ստեղծել, որպեսզի հնարավորինս օգտագործվեն սովորական օդափոխիչ սարքերի մասեր, ինչը թույլ կտա ավելի հեշտ և արագ գտնել դրանք` փոխելու անհրաժեշտություն առաջանալու դեպքում։
Նման սարքերը նախատեսված կլինեն ավելի թեթև ախտանշաններով պացիենտների համար, ինչը թույլ կտա «լիովին բժշկական» սարքերն ազատել ծանր հիվանդների համար։ Սարքի դիզայնի մանրամասները դեռ չեն հրապարակվում։
Հայաստանում կորոնավիրուսը ևս 6 մարդու կյանք է խլել. ամենաերիտասարդը 47–ամյա կին է
Այսպիսի սարքեր կարտադրեն ԱՄՆ–ում (9 ընկերություն), Բրազիլիայում (3 ընկերություն), Հնդկաստանում (4), ինչպես նաև Հայաստանում, Ավստրալիայում, Կանադայում, Եգիպտոսում, Ինդոնեզիայում, Մալայզիայում, Մեքսիկայում, Նիգերիայում, Պորտուգալիայում, Թուրքիայում և ԱՄԷ–ում (մեկական ընկերություններ)։
196 նոր դեպք` 1 օրում. Հայաստանում կորոնավիրուսով վարակվածների թիվը դարձավ 39 298
