15:22 18 սեպտեմբերի 2020
Ուղիղ եթեր
  • USD484.40
  • GBP628.46
  • EUR571.59
  • RUB6.46
Հայաստան
Ստանալ կարճ հղումը
20701

Ընկերության փաստաբանն ասել է, որ քննչական գործողությունների ընթացքում կոպիտ խախտումներ են եղել` հայտարարելով, որ իրենք ամեն ինչ անելու են, որ մեղավորները պատժվեն։

ԵՐԵՎԱՆ, 5 օգոստոսի – Sputnik.  ՀՀ ոստիկանության կազմակերպված հանցավորության դեմ պայքարի գլխավոր  վարչության աշխատակիցները քննչական գործողություններ են իրականացնում շինարարական ծառայություններ տրամադրող M-Group ընկերության գրասենյակում։

Ընկերության փաստաբան Ամրամ Մակինյանը չգիտի, թե որ գործի շրջանակում է իրականացվում խուզարկությունը։ Փաստաբանի խոսքով՝ իրեն և ընկերության տնօրենին հրավիրել են քննչական գործողությունները սկսելուց կես ժամ անց։ Ոստիկանության աշխատակիցները մտել և պահանջել են հաշվապահական և այլ փաստաթղթեր։

«Մոտ մեկ ժամ նրանք արդեն ինչ–որ գործողություններ են իրականացնում։ Ոստիկանությունը պարզապես պետք է հայտարարի, թե ինչ է անում, ինչ է ուզում։ Սա անօրինականություն է», – ասաց Մակինյանը։

Դրանից հետո նա 15 րոպեով մտավ խուզարկվող գրասենյակ։ Վերադառնալով, Մակինյանը հայտարարեց, որ իրեն չեն տվել մինչ իր ժամանումն իրականացրած գործողությունների մասին արձանագրությունը։

«Ես այս կրկեսին չեմ մասնակցելու։ Մենք դիտորդ չենք։ Լսեք նրանց գոռոցները, սա իրավապահ մարմինների աշխատաոճն է», – ասաց փաստաբանը։

Իրավապահները շարունակում են խուզարկությունը։

Ըստ թեմայի

Սևանի «Հարսնաքարում» խուզարկություններ են
ԱԱԾ–ն խուզարկություն է իրականացրել Ucom–ի գլխավոր գրասենյակում
«Բարի խուզարկություն եմ մաղթել նրանց». Զոհրաբյանը` իր աշխատասենյակ մտնելու մասին
«Խաչատրյանների ընտանիքի դեմ արշավ է սկսվել». փաստաբանը` խուզարկությունների մասին
թեգերը:
փաստաթուղթ, փաստաբան, Ամրամ Մակինյան, խուզարկություն, Ոստիկանություն, ոստիկան, Հայաստան

Գլխավոր թեմաներ