21:09 31 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հայաստան
Ստանալ կարճ հղումը
263 0 0

Լևոն Տեր– Պետրոսյանն ասել է, որ «Հայոց պատմություն» առարկայի ուսումնառության նոր հայեցակարգը ոչ այլ ինչ է, քան ազգային խայտառակություն։

ԵՐԵՎԱՆ, 5 օգոստոսի – Sputnik. ՀՀ առաջին նախագահ Լևոն Տեր–Պետրոսյանն ազգային խայտառակություն է որակել «Հայոց պատմություն» առարկայի դասագրքերի` ԿԳՄՍ նախարարության կողմից ներկայացված նոր չափորոշիչները։ Այս մասին գրում է ilur.am–ը։

«Բանավեճից տպավորություն է ստեղծվում, որ խորհրդային տարիների գռեհիկ-մատերիալիստական պատմագիտությանը Հայաստանի անկախությունից ի վեր փոխարինելու է գալիս ավելի գավառական, չափազանց վտանգավոր, հայդատական պատմագիտությունը։ Նիկողայոս Ադոնցի, Հակոբ Մանանդյանի, Սուրեն Երեմյանի և Գագիկ Սարգսյանի նման հսկաներ ունեցող հայ պատմագիտությունը իրավունք չունի իջնելու այս մակարդակին, որով մենք, ըստ էության, հավասարվում ենք թուրքական և ադրբեջանական պատմագիտություններին»,–նշել է Տեր–Պետրոսյանը։

Նրա խոսքով` եթե թուրքերն ու ադրբեջանցիները պատմությունը կեղծում են, դա չի նշանակում, որ մենք էլ պետք է կեղծիքների դիմենք, և որ ավելի նվաստացուցիչ դեգրադացիա հնարավոր չէ պատկերացնել։

«Չեմ ուզում ավելի խիստ բառեր օգտագործել, բայց սա ոչ այլ ինչ է, քան ազգային խայտառակություն, ամենևին ոչ վայել հիրավի փառահեղ պատմություն ունեցող հայ ժողովրդի՝ հազվագյուտ ազգերից մեկի համար, որ պետություն է ունեցել ավելի քան 2500 տարի առաջ և այսօր էլ պետություն ունի»,–ասել է ՀՀ առաջին նախագահը։

Հիշեցնենք, որ օրեր առաջ էլ ՀՀԿ խոսնակ ՀՀ ԱԺ նախկին փոխնախագահ Էդուարդ Շարմազանովն էր խիստ բացասական կարծիք հայտնել ՀՀ հանրակրթական դպրոցի «Հայոց պատմություն» առարկայի ուսումնառության նոր հայեցակարգի ու չափորոշիչների վերաբերյալ։ 

ԵՊՀ Հայոց պատմության ամբիոնը նույնպես նոր հայեցակարգում բազմաթիվ թերություններ է մատնանշել։

Ըստ թեմայի

Մարտի 1-ը դասագրքերում. մասնագետները վիճում են` ինչ գրել, դպրոցները` մնում առանց դասագրքի
Ի՞նչ գրել դասագրքերում. պատմաբանները ընդհանուր հայտարարի չեն գալիս
Դասագրքերը վատ վիճակում են. ե՞րբ սպասել փոփոխությունների
Դպրոցական դասագրքերը կփոխվեն. առաջինը նոր գրքերով կսովորեն Տավուշի աշակերտները
թեգերը:
դպրոց, Կրթության, գիտության, մշակույթի և սպորտի նախարարություն (ԿԳՄՍ), Լևոն Տեր–Պետրոսյան, Հայոց պատմություն

Գլխավոր թեմաներ