17:50 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հայաստան
Ստանալ կարճ հղումը
684 0 0

Հայկական ավիաընկերությունների ներկայացուցիչները առաջարկով դիմել են Քաղաքացիական ավիացիայի կոմիտեին։

ԵՐԵՎԱՆ, 9 օգոստոսի - Sputnik. Միայն ավիահաղորդակցության վերսկսումը՝ խիստ կանոնների պահպանմամբ, կարող է շտկել ավիացիայի տխուր իրավիճակը։ Այս մասին Sputnik Արմենիայի հետ զրույցում ասաց «Արմենիա ավիաուղիներ» ընկերության գլխավոր տնօրեն Առլեն Դավուդյան-Զարնաին։

Հայաստանը պետք է ունենա տեղական ավիափոխադրող. Պապիկյան

Նա նշեց, որ հայկական ավիաընկերությունների ներկայացուցիչները առաջարկով դիմել են Քաղաքացիական ավիացիայի կոմիտեին։ Հանդիպումը տեղի է ունեցել մի քանի օր առաջ ՝ ավիափոխադրողների նախաձեռնությամբ:

«Մի շարք երկրներում բացվում են սահմանները և թույլատրվում են թռիչքները՝ խիստ վերահսկողությամբ։ Օրինակ՝ երկիր կարող են մուտք գործել միայն նրանք, որոնք կորոնավիրուսի բացասական արդյունքով թեստ ունեն, որը հանձնել են 72 ժամվա ընթացքում»,- ասաց Դավուդյան-Զարնաին։

Նա ընդգծեց, որ միայն այս քայլը հնարավորություն կտա ավիացիան դուրս բերել այն ողբալի իրավիճակից, որում ընկերությունները հայտնվել են:

Բոլոր առաջարկները արդեն փոխանցվել են պարետատանը։ Այժմ ավիաընկերություններն անհամբեր սպասում են օգոստոսի 12-ին՝ արտակարգ դրության ժամկետի ավարտին, երբ արդեն պարզ կդառնա, թե իշխանությունները ինչ նորություններ կմտցնեն։

Դավուդյան-Զարնաին հայտնեց, որ իրենք ծրագրում էին թռիչքներ կազմակերպել ոչ միայն դեպի Իրան և Ռուսաստան, այլև ԱՄՆ և եվրոպական երկրներ, բայց կորոնավիրուսի պատճառով բանակցությունները դադարել են։ Այս պահին մոտակա թռիչքը ավիաընկերությունը նախատեսում է օգոստոսի 25-ին՝ Երևան-Թեհրան ուղղությամբ։

Հիշեցնենք, որ մարտի 16-ից Հայաստանում հայտարարվել է արտակարգ դրություն, որը մի քանի անգամ երկարաձգվել է: Մարտից ի վեր դադարեցվել է միջազգային երթևեկությունը, գործում են միայն չարտերային թռիչքներ:

Ըստ թեմայի

Քաղավիացիայի կոմիտեի ծառայողների հանդեպ 2 քրեական գործ է հարուցվել
Ինչ չվերթեր են սպասվում առաջիկա օրերին. Քաղավիացիան նոր տեղեկություն է հրապարակել
Քաղավիացիայի կոմիտեն արձագանքել է «սև ցուցակում» ընդգրկվելու որոշմանը
Եվս 6 չվերթ կիրականացվի. քաղավիացիայի կոմիտեն տեղեկացրել` երբ և դեպի ուր
թեգերը:
Արտակարգ դրություն, պարետ, չվերթ, Քաղավիացիա, Հայաստան

Գլխավոր թեմաներ