14:57 18 սեպտեմբերի 2020
Ուղիղ եթեր
  • USD484.40
  • GBP628.46
  • EUR571.59
  • RUB6.46
Հայաստան
Ստանալ կարճ հղումը
168 0 0

Հրեական համայնքը կարծում է, որ լրագրող Արյե Գուտը հերթական անգամ փորձել է սրել Իսրայելի ու Հայաստանի հարաբերությունները։

ԵՐԵՎԱՆ, 10 օգոստոսի — Sputnik. Հայաստանի հրեական համայնքը հայտնում է, որ Երևանում Հոլոքոստի զոհերին նվիրված հուշարձանը չի պղծվել։

«Մեզ հայտնի է դարձել սկանդալային «լրագրող» Արյե Գուտի հերթական զրպարտության մասին։ Նա կոպտորեն օգտագործել է ֆոտոշոպն ու պղծված ձևով ներկայացրել Ցեղասպանության ու Հոլոքոստի զոհերի հուշարձանը, ինչն ամենևին չի համապատասխանում իրականությանը։ Այդ ակցիայի իրական պատճառն ակնհայտ է՝ սեպ խրել մեր ժողովուրդների միջև», - նշված է Sputnik Արմենիային տրամադրած հաղորդագրության մեջ։

Հրեական համայնքում կարծում են, որ Բաքվում ծնված իսրայելցի լրագրող Արյե Գուտը հերթական անգամ փորձել է սրել Իսրայելի ու Հայաստանի հարաբերությունները։ Համայնքի ներկայացուցիչները հուսով են, որ սադրանքը պատշաճ իրավական գնահատականի կարժանանա ինչպես Իսրայելում, այնպես էլ Հրեական համաշխարհային վեհաժողովում ու Եվրասիական համաժողովում։

  • Հոլոքոստի զոհերին նվիրված հուշարձանը Երևանում՝ ձևափոխված համակարգչային ծրագրով
    Հոլոքոստի զոհերին նվիրված հուշարձանը Երևանում՝ ձևափոխված համակարգչային ծրագրով
  • Հոլոքոստի զոհերին նվիրված հուշարձանը Երևանում. իրական լուսանկարները 2020թ. օգոստոսի 10-ի դրությամբ
    Հոլոքոստի զոհերին նվիրված հուշարձանը Երևանում. իրական լուսանկարները 2020թ. օգոստոսի 10-ի դրությամբ
1 / 2
Հոլոքոստի զոհերին նվիրված հուշարձանը Երևանում՝ ձևափոխված համակարգչային ծրագրով

«Մենք` որպես Հայաստանի քաղաքացիներ, մտահոգված ենք Հայաստանի ու Ադրբեջանի սահմանին տեղի ունեցած էսկալացիայով։ Կարծում ենք, որ ագրեսիան անթույլատրելի է, միջպետական հակամարտություններն էլ պետք է լուծում ստանան բանակցային սեղանի շուրջ։ Մենք պահանջում ենք քրեական պատասխանատվության ենթարկել Արյե Գուտին բազում սադրիչ հոդվածների համար, որոնք ազգամիջյան թշնամանք բորբոքելու փորձ են պարունակում։ Այստեղ հակասեմականություն չկա ու չի եղել», - նշած է հայտարարության մեջ։

Ցեղասպանության ու Հոլոքոստի զոհերի հուշարձանը Երևանում բացվել է 2006 թվականին։ Գտնվում է Տերյան-Մոսկովյան խաչմերուկում։ Հուշարձանի հեղինակը ճարտարապետ Ռուբեն Արուտչյանն է։

Հուշարձանը կազմված է բազալտե երկու կոթողներից, որոնք խորհրդանշում են հայ և հրեա ժողովուրդների ճակատագրերը։ Կոթողների վրա հայերեն ու եբրայերեն գրված է «Լինել, թե մոռանալ»։

Ըստ թեմայի

Դա ձեր խղճի վրա է. Մնացականյանը՝ Իսրայելի կողմից Հայոց ցեղասպանությունը չճանաչելու մասին
«Մահաբեր բիզնես»․ Մնացականյանն Իսրայելին կոչ է արել դադարեցնել զենքի մատակարարումը Բաքվին
Իսրայելա-լիբանանյան կոնֆլիկտն ու Բեյրութի պայթյունը. ինչ կապ ունի «Հըզբոլլահը»
թեգերը:
Հուշարձան, Հոլոքոստ, Իսրայել, Հայաստան

Գլխավոր թեմաներ