17:56 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հայաստան
Ստանալ կարճ հղումը
103910

Վարչապետը պատասխանել է նաև Իրանի պատճառով ԱՄՆ–ի և Հայաստանի վատթարացած հարաբերությունների մասին հարցին։

ԵՐԵՎԱՆ, 14 օգոստոսի - Sputnik․ Ռուսաստանը Հայաստանի ռազմավարական դաշնակիցն է բոլոր ոլորտներում, մասնավորապես, տնտեսության և անվտանգության, իսկ Եվրոպական Միության հետ կնքել է «Համապարփակ և ընդլայնված գործընկերության համաձայանգիր»։ Այսպես է պատասխանել Հայաստանի վարչապետ Նիկոլ Փաշինյանը BBC–ի HardTalk հաղորդման հաղորդավար Սթիվեն Սաքուրի հարցին, թե, ի վերջո, ո՞ր ճանապարհն է ընտրելու Հայաստանը` դեպի Ռուսաստան, թե Արևմուտք։

«Ռուսաստանը տասնյակ տարիների Հայաստանի գործընկերն է, իսկ Եվրոպական Միությունը օգնում է մեզ իրականացնել հեղափոխությունից հետո ռեֆորմային ծրագրերը։ Հայաստանը զարգացնում է հարաբերությունները երկու կողմերի հետ էլ», – պատասխանել է Փաշինյանը։

Սաքուրին չի բավարարել պատասխանը, նա մեկ անգամ էլ է փորձել Հայաստանի վարչապետից կոնկրետ պատասխան կորզել, սակայն ապարդյուն։ Այնուհետև լրագրողը Փաշինյանից փորձել է ճշտել` ինչպես է Հայաստանը զարգացնելու հարաբերությունները ՆԱՏՕ–ի հետ, եթե խնդիրներ ունի Թուրքիայի և արդեն ԱՄՆ–ի հետ։

«ԱՄՆ–ն խնդրել էր ձեզ պատժամիջոցներ կիրառել Իրանի նկատմամբ, բայց դուք դա չարեցիք»,– նկատել է լրագրողը։

Փաշինյանը շեշտել է, որ Հայաստանը շարունակելու է Իրանի հետ լավ հարաբերությունները` բոլոր ուղղություններով։

«Մենք կանենք առավելագույնը, որ ԱՄՆ–ի հետ պահպանվեն լավ և բարիդրացիական հարաբերություններ», – ընդգծել է վարչապետը։

Նույն հաղորդման շրջանակում Փաշինյանն անդրադարձել է նաև Լեռնային Ղարաբաղի, Ռոբերտ Քոչարյանի և հեղափոխությունից հետո չարդարացված սպասելիքների մասին հարցերին։

Ըստ թեմայի

Մինչև հոկտեմբեր Հայաստանում հայ-ռուսական միջկառավարական հանձնաժողովի նիստ կկայանա
Հայ-ռուսական հարաբերությունները չպետք է դառնան ինչ–որ մեկի շահերի պատանդ. Կոպիրկին
Հնարավոր էսկալացիան չէինք կարող դիմավորել քնած վիճակում. Փաշինյանը և Սարգսյանը հանդիպել են
Ոչ մի պարեկություն. ինչու են ռուսական ուղղաթիռները հայտնվել հայ-թուրքական սահմանին
թեգերը:
Իրանի Իսլամական Հանրապետություն, ԱՄՆ, Ռուսաստան, Նիկոլ Փաշինյան

Գլխավոր թեմաներ