17:21 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հայաստան
Ստանալ կարճ հղումը
100 0 0

Զբոսաշրջության, հանրային սննդի ու հյուրանոցային բիզնեսի ոլորտում տնտեսական ակտիվությունն անցած տարվա համեմատ այս տարի նվազել է 50 տոկոսով, այսինքն` շրջանառությունը կիսով չափ կրճատվել է։

ԵՐԵՎԱՆ, 14 օգոստոսի- Sputnik. Աշնան վերջին Հայաստանում կթույլատրվի նաև ներգնա զբոսաշրջությունը, մեր երկիր կժամանեն օտարերկրյա զբոսաշրջիկներ։ Այսօր լրագրողների հետ հանդիպմանը նման կանխատեսում արեց ՀՀ Էկոնոմիկայի նախարար Տիգրան Խաչատրյանը` անդրադառնալով կորոնավիրուսի համավարակի հետևանքով զբոսաշրջության ոլորտի կրած վնասներին։

Թե այս ընթացքում ոլորտի քանի ընկերություն է փակվել ու քանիսն են արդեն վերաբացվել, էկոնոմիկայի նախարարը տվյալներ չունի, բայց վստահ է, որ ներքին տուրիզմի աշխուժացման ու ներգնա տուրիզմի վերականգնման հաշվին ոլորտը ևս կվերականգնվի։

«Ես գրեթե չեմ կասկածում, որ այդ փակված կամ գործունեությունը դադարեցրած կազմակերպությունները կվերադառնան իրենց նախկին գործունեությանը»,– ասաց նա։

Կառավարության կանխատեսմամբ՝ զբոսաշրջային ոլորտը նախկին ակտիվությունը կկարողանա վերականգնել 2021թ–ի գարնանը։

Խաչատրյանը նշեց, որ զբոսաշրջության, հանրային սննդի, հյուրանոցային բիզնեսի ոլորտում տնտեսական ակտիվությունն անցած տարվա համեմատ այս տարի նվազել է 50 տոկոսով, այսինքն` շրջանառությունը կիսով չափ կրճատվել է։

Օգոստոսի 13-ին կառավարությունն ընդունեց այս ոլորտներին աջակցելու ծրագիր, որով նախատեսվում է աջակցել այն կազմակերպություններին, որոնք, չնայած դժվարություններին, չեն կրճատել իրենց աշխատակիցներին։ Կառավարությունը կսուբսիդավորի այս ընկերություններին` յուրաքանչյուր 3-րդ աշխատակցի աշխատավարձի չափով։

Նախարարը հստակեցրեց, որ աջակցություն կստանան առնվազն 3 աշխատակից ունեցող ընկերությունները, որոնք ստեղծվել են մինչև 2020թ–ի մարտի 31-ը։

«Աջակցությունից չեն օգտվի այն կազմակերպությունները, որոնք տնտեսական դժվարություններից հետո կրճատել են աշխատակազմը 50 տոկոսի չափով։ Երկրորդ հանգամանքը կազմակերպությունների հարկային կարգապահության հարցն է։ Եթե պարզվի, որ կազմակերպությունը ՀԴՄ կտրոն չի տրամադրում ու հաշվարկային փաստաթղթեր դուրս չի գրում, սա հիմք է հանդիսանում, որ կազմակերպությունը դադարի օգտվել այս աջակցությունից»,– հավելեց Խաչատրյանը։

Իսկ կարգապահ ընկերություններն աջակցություն կստանան սկսած ապրիլ ամսվանից և այնքան ժամանակ, քանի դեռ կառավարությունն այս ոլորտին աջակցելն անհրաժեշտ կհամարի։

Խաչատրյանի հաշվարկով կառավարության այս աջակցությունից կօգտվեն ընդհանուր առմամբ 23 000 աշխատակից ունեցող կազմակերպությունները, ինչը նշանակում է, որ կառավարությունը կսուբսիդավորի նրանցից շուրջ 5-6 հազարի աշխատավարձերը։ Ծրագրի շրջանակում պետական բյուջեից ամեն ամիս շուրջ 600-700 մլն դրամ կհատկացվի։

Զբոսաշրջության ոլորտը մեռնում է. կոմիտեն պատասխանել է տուրօպերատորների կոշտ քննադատությանը

Ըստ թեմայի

Չարդարացված հույսեր․ Վրաստանի սահմանները հուլիսի 1-ից չեն բացվի զբոսաշրջիկների համար
Քարուքանդ ճանապարհները խանգարում են. Արփի լիճն ավելի գրավիչ կդառնա զբոսաշրջիկների համար
Հայաստանը պատրաստվում է զբոսաշրջիկներ ընդունել. ինչո՞վ է զբաղված ֆեդերացիան
Զբոսաշրջիկներին «գցած» 25-ամյա Աննա Սահակյանն ազատության մեջ է. տուժածները դժգոհ են
թեգերը:
Տիգրան Խաչատրյան, զբոսաշրջություն, Զբոսաշրջիկ, Հայաստան

Գլխավոր թեմաներ