ԵՐԵՎԱՆ, 15 օգոստոսի - Sputnik. Բելառուսի գործող նախագահ Ալեքսանդր Լուկաշենկոն հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Ինչպես հաղորդում է Բելառուսի նախագահի մամուլի ծառայությունը, նախագահները քննարկել են երկրի ներսում և նրա շուրջը ծավալված իրադրությունը։
Ավելի ուշ Կրեմլի մամուլի ծառայությունը հայտնեց, որ Լուկաշենկոն Պուտինին պատմել է նախագահական ընտրություններից հետո ստեղծված իրավիճակի մասին: Զրուցակիցները պայմանավորվել են շարունակել պարբերական շփումները, նրանք հաստատել են դաշնակցային հարաբերություններն ամրապնդելու պատրաստակամությունը:
Կարևորվել է այն հանգամանքը, որ Բելառուսում առկա խնդիրները չօգտագործվեն Մոսկվա-Մինսկ համագործակոցությանը վնաս պատճառելու համար։
«Ամենակարևորն այն է, որ այդ խնդիրներից չօգտվեն ապակառուցողական ուժերը, որոնք ձգտում են վնաս հասցնել երկու երկրների փոխշահավետ համագործակցությանը Դաշնակցային պետության շրջանակում»,-ասվում է հաղորդագրության մեջ։
Ավելի վաղ Լուկաշենկոն Մինսկում կայացած խորհրդակցության ժամանակ խոսել էր երկրի ներսում հասարակական-քաղաքական իրավիճակի և իր ռուս գործընկեր Վլադիմիր Պուտինի հետ կապ հաստատելու անհրաժեշտության մասին:
«Մեզ պետք չէ մխիթարել խաղաղ ակցիաներով ու ցույցերով։ Մենք տեսնում ենք, թե ինչ է կատարվում խորքում։ Մենք կարդացել ենք գունավոր հեղափոխությունների մեթոդաբանությունները», - ասել էր Լուկաշենկոն։ Նա նշել էր, որ Բելառուսի դեմ ագրեսիա է ծավալվում ինչ–որ սցենարի համաձայն։ «Պետք է կապվել Պուտինի՝ Ռուսաստանի նախագահի հետ, որպեսզի հիմա կարողանամ զրուցել նրա հետ։ Քանի որ սա արդեն սպառնալիք է ոչ միայն Բելառուսի համար»,-ասել էր Լուկաշենկոն։
Մինսկում ուժայինները ծեծի են ենթարկել ՀՀ քաղաքացու
Հիշեցնենք` Բելառուսում արդեն յոթերորդ օրն է` չեն դադարում բողոքի ակցիաները։ Ցուցարարները համարում են, որ ընտրությունների արդյունքները կեղծվել են։ Ոստիկանության կոշտ գործողությունները վրդովմունքի ավելի մեծ ալիք են առաջացրել։
Պաշտոնական տվյալների համաձայն՝ օգոստոսի 9-ի ընտրություններում հաղթել է գործող նախագահ Ալեքսանդր Լուկաշենկոն, նրա օգտին է քվեարկել 80,1 տոկոսը, հիմնական մրցակից Սվետլանա Տիխանովսկայայի օգտին՝ 10,12 տոկոսը: Տիխանովսկայան այժմ Լիտվայում է:
Մինսկում աղջիկները գրկախառնվում են ցույցին միացած ՕՄՕՆ–ի ներկայացուցիչների հետ. տեսանյութ