07:52 29 սեպտեմբերի 2020
Ուղիղ եթեր
  • USD485.66
  • GBP624.12
  • EUR565.55
  • RUB6.16
Հայաստան
Ստանալ կարճ հղումը
84 0 0

Զարուհի Բաթոյանը շեշտում է` պետք է ամեն ինչ անել, որպեսզի Հայաստան գալուց հետո լիբանանահայերն այլ երկիր տեղափոխվելու մասին չմտածեն, ինչպես դա պատահեց շատ սիրիահայերի դեպքում:

ԵՐԵՎԱՆ, 15 օգոստոսի – Sputnik. Հայաստանը լիբանանահայերի համար սոցիալական աջակցության և ինտեգրման ծրագրեր կմշակի, որպեսզի Լիբանանից Հայաստան տեղափոխվելու դեպքում նրանք մնան պատմական հայրենիքում։ ՀՀ աշխատանքի և սոցիալական հարցերի նախարար Զարուհի Բաթոյանը հայտնում է, որ այդ ուղղությամբ արդեն աշխատանքներ են տարվում։

«Լիբանանում տեղի ունեցած պայթյունից հետո բնական է, որ Բեյրութում ապրող մեր հայրենակիցները և հատկապես ՀՀ քաղաքացիները պետք է ակնկալեին Հայաստանի Հանրապետության աջակցությունը: Հիմա, երբ կառավարությունն առաջին օգնությունը ցուցաբերել է Լիբանանին, առաջին քայլերն արված են, մենք պետք է պատրաստ լինենք այն բանին, որ եթե այնտեղ ապրող մեր հայրենակիցները որևէ պատճառով որոշեն հեռանալ Լիբանանից, ապա նրանց հանգրվանը դառնա մեր երկիրը, որպեսզի ազատ, երջանիկ և բարեկեցիկ ապրելու համար նոր հնարավորությունը ստանան հենց Հայաստանում»,– Facebook–ի իր էջում գրել է նա:

Բաթոյանի խոսքով` պետք է ամեն ինչ անել, որպեսզի Հայաստան գալուց հետո նրանք այլ երկիր տեղափոխվելու մասին չմտածեն, ինչպես դա պատահեց շատ սիրիահայերի դեպքում:

«Այս նպատակով առաջին հերթին սոցիալական աջակցության և ինտեգրման ծրագրեր պետք է մշակել և գործող ծրագրերը վերանայել: Այս ուղղությամբ աշխատանքները սկսված են և նախարարությունը ևս մասնակցում է քննարկումներին»,– եզրափակել է նա:

Սփյուռքի գործերի գլխավոր հանձնակատար Զարեհ Սինանյանն ավելի վաղ հայտնել էր, որ Հայաստանի կառավարությունը փաթեթ է պատրաստում, որպեսզի կարողանա արժանապատվորեն ընդունել Հայաստան վերադառնալու ցանկություն ունեցող լիբանանահայերին։ Նրա խոսքով` հուլիս–օգոստոս ամիսներին 5 չվերթով Լիբանանից 370 հայ է եկել Հայաստան` հաստատվելու։ Բացի այդ, Լիբանան մեկնած մարդասիրական օգնության երեք ինքնաթիռներով էլ 101 մարդ է վերադարձել հայրենիք։

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն էր որոտացել ամոնիումի նիտրատի պատճառով։ Պայթյունի զոհ է դարձել 154 մարդ, ավելի քան 5000–ը` վնասվածքներ ստացել։ Մահացածների թվում նաև 13 հայ կա և ավելի քան 250 տուժած։

Հայաստանն ու Արցախը երեք թռիչքների արդյունքում Լիբանանին տրամադրել են ավելի քան 36 տոննա առաջին անհրաժեշտության ապրանքներ, սննդամթերք ու դեղորայք։

Ըստ թեմայի

Եվս մեկ ինքնաթիռ․ Արցախն օգնության խմբաքանակ է ուղարկել Լիբանան
Նիկոլ Փաշինյանը հեռախոսազրույց է ունեցել Արամ Ա կաթողիկոսի հետ
Արամ Ա կաթողիկոսը շրջել է Բեյրութի հայկական թաղամասով և եկեղեցիներով. տեսանյութ
թեգերը:
Զարուհի Բաթոյան, Լիբանան, հայեր, Հայաստան

Գլխավոր թեմաներ