06:01 26 հոկտեմբերի 2020
Ուղիղ եթեր
  • USD494.01
  • GBP646.41
  • EUR585.25
  • RUB6.47
Հայաստան
Ստանալ կարճ հղումը
Կորոնավիրուսը Հայաստանում և Արցախում (1583)
1415 0 0

Ուսումնական տարվան ընդառաջ հրապարակվել է ուղեցույց, որով սահմանվում է դպրոցներում դասապրոցեսի կազմակերպումը։ Այնտեղ, սակայն, կան կանոններ, որոնք ոչ թե լուծում են առաջարկում, այլ հարցեր առաջացնում։

ԵՐԵՎԱՆ, 23 օգոստոսի — Sputnik. Կրթության փորձագետ Ատոմ Մխիթարյանի համար անհասկանալի է, թե ով է ստուգելու` դպրոցներում պահպանվո՞ւմ են արդյոք այն նորմերը, որոնք սահմանել է կրթության, գիտության, մշակույթի և սպորտի նախարարությունը։ Մխիթարյանը նման կարծիք հայտնեց Sputnik Արմենիայի հետ զրույցում, անդրադառնալով օգոստոսի 21-ին հրապարակված ուղեցույցին։

Նշենք` ուղեցույցով սահմանվում է, որ դպրոցները կաշխատեն 6-օրյա աշխատանքային գրաֆիկով։ Յուրաքանչյուր դասարանում աշակերտների թիվը չի կարող 20-ից ավել լինել, իսկ դրանից ավել աշակերտ ունեցող դասարանները պետք է կիսվեն, և դասերն անցկացնեն դահլիճներում, միջանցքներում և բացօթյա տարածքներում: Բացի այդ, դասամիջոցների ընթացքում սովորողները չպետք է լքեն դասասենյակը։ Ինչ վերաբերում է ուսուցիչներին, ապա բարձր ռիսկային խմբի ուսուցիչները կարող են չներկայանալ աշխատանքի։

«Հարց է առաջանում, թե ինչպես է ստուգվելու և ով է արձանագրելու խախտումները։ Հետաքրքիր է նաև` խախտումներն արձանագրելու դեպքում ի՞նչ է հետևելու դրան։ Այս հարցերը կարծես դեռ բաց են մնացել»,–ասաց Մխիթարյանը։

ՄԻՊ–ը հարցադրումներ է ուղարկել ԿԳՄՍՆ դպրոցներում աշակերտների դիմակ դնելու առնչությամբ

Նրա կարծիքով` մի շարք դպրոցներում կարող են խնդիրներ առաջանալ դասարանների կիսվելու պահանջի առնչությամբ։ Հարցն այն է, որ ոչ բոլոր դպրոցների շենքային պայմաններն են դա թույլ տալիս։ Կրթության փորձագետը նշում է` գաղտնիք չէ, որ Երևանի կենտրոնի մի շարք դպրոցներ ծանրաբեռնված են, և արդեն իսկ երկրորդ հերթ է սահմանված։

Այս դեպքում, ըստ նրա, հարց է առաջանում`երրորդ հերթ կկարողանա՞ն կազմակերպել կամ նման ցուցում կա՞ արդյոք։

Բացի այդ, նախարարությունն առաջարկում է անհրաժեշտության դեպքում դասերը կազմակերպել նաև միջանցքներում, սակայն Մխիթարյանը հիշեցնում է, որ ոչ բոլոր դպրոցներն են ամբողջությամբ ապահովված ջեռուցման համակարգով։ Մասնավորապես, գյուղական դպրոցներում, օրինակ, ձմռանը դժվարությամբ են ջեռուցում նունիսկ դասասենյակները, միջանցքներն ինչպե՞ս են ջեռուցելու։

Մխիթարյանի խոսքով` ուղեցույցը կազմելիս դպրոցների պայմանները հաշվի չեն առնվել։ Այս դեպքում, ըստ նրա, ճիշտ կլինի, որ յուրաքանչյուրն իր համար կանոններ մշակի և հայտարարի իր հնարավորությունների մասին։ Գուցե այդ ժամանակ աշակերտներին դպրոցների միջև վերաբաշխելու հարց առաջանա, որպեսզի որևէ աշակերտ դուրս չմնա դասապրոցեսից։

«Փոքր չէ այն դասարանների թիվը, որտեղ աշակերտները 20-ից ավել են, այսինքն` ուսուցչի աշխատանքը կրկնակի է լինելու։ Այս դեպքում ճիշտ կլինի վերանայել ուսուցիչների վարձատրությունը, քանի որ նրանց ծանրաբեռնվածությունն էապես մեծանալու է»,–ասաց Մխիթարյանը։

Ինչ վերաբերում է ուսուցչական կազմին, ապա Մխիթարյանը նկատեց` կան դպրոցներ, որտեղ ավագ տարիքի ուսուցիչները շատ են. այս դեպքում արդյո՞ք նոր ուսուցիչներ պետք է ընդգրկեն դասապրոցեսում։ Կրթության փորձագետն ասում է` սրանք հարցեր են, որոնց պատասխանները դեռ չկան։ Այնուամենայնիվ, ըստ նրա, եղած պայմաններով հանդերձ, կրթության կազմակերպումն այսպես ավելի լավ է, քան «հեռավար» ուսուցումը։

Հիշեցնենք, որ այս տարի դպրոցներում դասերը սեպտեմբերի 1-ի փոխարեն կսկսվեն սեպտեմբերի 15-ին։

Դպրոցները նախ պետք է բացվեն 1-4-րդ դասարանցիների համար. Խաչատրյանը տարբերակ է առաջարկում

թեմա:
Կորոնավիրուսը Հայաստանում և Արցախում (1583)

Ըստ թեմայի

Ինչպես պետք է դասավանդվի «Ռազմագիտությունը» դպրոցներում. ռազմական վերլուծաբանի տեսակետը
Արայիկ Հարությունյանը հայտնեց` երբ կբացվեն դպրոցները
Դպրոցների բացվելը կարող է համաճարակի 2-րդ ալիքի պատճառ դառնալ. ի՞նչ կանի կառավարությունը
թեգերը:
Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան, Հայաստան, կորոնավիրուս, դպրոց

Գլխավոր թեմաներ