ԵՐԵՎԱՆ, 23 օգոստոսի — Sputnik. ՀՀ կառավարությունը տեղեկացնում է, որ սննդի շղթայի կազմակերպություններում խախտումներ չեն հայտնաբերվում արդեն 10 օր։
«Սննդամթերքի անվտանգության տեսչական մարմնի տեսուչներն այսօր երկրի մարզերում և Երևանում այցելել են գրեթե հարյուր կազմակերպություն։ Մասնավորապես, հանրային սննդի օբյեկտներ են այցելել՝ նկատի ունենալով աշխատանքային շաբաթվա լարվածությանը հաջորդող օրերի ակտիվությունը հանգստյան գոտիներում: Խախտումներ պրակտիկորեն չկան»,–նշված է հաղորդագրության մեջ։
Կիրակի օրվա ստուգայցերը, սննդամթերքի անվտանգության տեսչական մարմնի մասնագետների վերջին շրջանի մշտադիտարկումների հետ միասին, գոհացուցիչ արդյունքներ են արձանագրել հանրապետության ողջ տարածքում:
Վերահսկողական աշխատանքները կշարունակվեն. ՍԱՏՄ-ն հորդորում է չթուլացնել զգոնությունը, պահպանել բարեխիղճ մոտեցումն ու արձանագրված շոշափելի դրական արդյունքը:
Հիշեցնենք` օգոստոսի 12-ին ՀՀ կառավարությունը որոշեց Հայաստանում հայտարարված արտակարգ դրությունը երկարացնել ևս մեկ ամսով։ Երկարաձգված արտակարգ դրության պայմանները որոշակի փոփոխությունների են ենթարկվել։
Տնտեսական շատ գործունեություններ թույլատրվել են, բայց սահմանվել են պարտադիր պահանջներ։ Մշակվել են ոլորտային ուղեցույցներ, որոնք բաժանվել են տնտեսվարողներին։
Վերահսկող մարմինները պարբերաբար մշտադիտարկումներ են իրականացնում՝ հետևելով պարետի սահմանած կանոնների խիստ պահպանմանը։
ՍԱՏՄ-ն վերահսկում է նաև սննդամթերքի առցանց վաճառքի իրականացումը. ինչ աշխատանքներ են տարվել
