ԵՐԵՎԱՆ, 24 օգոստոսի - Sputnik. ՀՀ վարչապետ Նիկոլ Փաշինյանը ցավակցություն է հայտնել Վրաստանի Դուշեթ քաղաքում ավտովթարի զոհ դարձածների ընտանիքներին: Փաշինյանը գրառում է արել Twitter-ում։
«Խորապես վշտացա՝ տեղեկանալով Դուշեթում տեղի ունեցած ողբերգական ավտովթարի մասին, որը անմեղ մարդկանց կյանքեր է խլել», - գրել է նա:
I was deeply saddened to learn of a tragic car accident in #Dusheti municipality that has left behind many innocent victims.
— Nikol Pashinyan (@NikolPashinyan) August 24, 2020
My sincere condolences to the families of the victims and speedy recovery to the injured.
Նա ցավակցություն է հայտնել մահացածների ընտանիքներին և շուտափույթ ապաքինում` տուժածներին:
Օգոստոսի 23-ին Վրաստանի Շատիլի շրջանում (Մցխեթ–Մթիանեթի շրջան) խոշոր ՃՏՊ է գրանցվել: Միկրոավտոբուսն ընկել է 80 մետր բարձրությունից։ Վթարի հետևանքով 17 մարդ Է մահացել, ևս 3-ը լուրջ վնասվածքներ են ստացել։
Վրաստանի վարչապետ Գեորգի Գախարիայի կարգադրությամբ օգոստոսի 25-ին երկրի ամբողջ տարածքում կիջեցվեն պետական դրոշները:
