20:21 30 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հայաստան
Ստանալ կարճ հղումը
222 0 0

Դասերի մոտենալուն պես մտահոգությունը կրթական հաստատությունների համար սահմանված նոր կանոնների վերաբերյալ աճում է։ Շատ հարցեր անպատասխան են մնում։

ԵՐԵՎԱՆ, 26 օգոստոսի – Sputnik. ԿԳՄՍ նախարարությունը քննարկում է դպրոցներում դիմակ կրելու կարգ ու կանոնները՝ ԱՀԿ խորհրդատվությունների հիման վրա։ Տեղեկությունն այսօր մամուլի ասուլիսի ժամանակ հայտնեց կրթության, գիտության, մշակույթ ու սպորտի փոխնախարար Ժաննա Անդրեասյանը։

«Ավելի կոնկրետ տեղեկություն կտրամադրվի մեր գործընկերների հետ քննարկումներից հետո՝ հաշվի առնելով ԱՀԿ խորհրդատվությունները», - ասաց Անդրեասյանը։

Նա ընդգծեց, որ դիմակ դնելու պահանջը բխում է փակ տարածքներում հակահամաճարակաբանական նորմերի պահպանման վերաբերյալ պարետի ընդհանուր հրահանգներից։

Ավելին՝ ռիսկային խմբի երեխաների համար, ծնողներից համապատասխան դիմում ստանալու դեպքում, նախատեսվում է հեռավար ուսուցում կազմակերպել։ Ռիսկային խմբում գտնվող մանկավարժներին նախարարությունը երեք տարբերակ է առաջարկում։ Նրանք կարող են դպրոց գալ պաշտպանիչ լրացուցիչ միջոցներով, կարող են հեռավար տարբերակով անցկացնել դասերը (եթե դպրոցի ղեկավարությունը թույլ տա) կամ հեռանալ աշխատանքից։ Աշխատանքից ազատվելու դեպքում նրանց կփոխարինեն նոր կադրերով։

Դպրոցները պատրա՞ստ են նոր կանոններին. անպատասխան հարցեր կան

Այն դպրոցներում, որտեղ վարակվածների թիվը կգերազանցի 10%-ը, դասերը ժամանակավոր կդադարեցվեն։

Նախատեսվում է ուսուցիչների և դպրոցների այլ աշխատակիցների թեստավորում անցկացնել։

Առաջին դասարանցիների դասերը կսկսվեն սեպտեմբերի 14-ին, մնացածինը՝ սեպտեմբերի 15-ին։

Օգոստոսի 26-ի, ժամը 11:00-ի դրությամբՀայաստանում  հաստատվել է կորոնավիրուսային հիվանդության ընդհանուր 43 067 դեպք, որոնցից 36 726-ն` առողջացած, 861-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 5 216 պացիենտ: Ընդհանուր առմամբ կատարվել է 193 693 թեստավորում:

Օգոստոսի 12-ին ՀՀ կառավարությունը որոշեց արտակարգ դրության ռեժիմը երկարացնել մինչև սեպտեմբերի 11-ը: Օգոստոսի 13-ից անձնական մեքենաներում և բնության գրկում դիմակ դնելը պարտադիր չէ։

Ըստ թեմայի

Առանց դիմակի վարորդ, գերբեռնված տրանսպորտ. այս անգամ ովքե՞ր են կարգազանցները
Չստացված գողություն Ալավերդիում․ դիմակավորված ու զինված հարձակվել են զարդերի խանութի վրա
Ինչպես շփվել արաբական երկրների հետ թուրք-ադրբեջանական տանդեմին ճիշտ դիմակայելու համար
Համերգները կթույլատրվեն, հաղորդավարները որոշ դեպքերում դիմակ չեն դնի․ պարետի նոր որոշումը
թեգերը:
Ուսուցիչ, Աշակերտ, դիմակ, դպրոց, փոխնախարար, Կրթության, գիտության, մշակույթի և սպորտի նախարարություն (ԿԳՄՍ), Հայաստան

Գլխավոր թեմաներ