12:19 20 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հայաստան
Ստանալ կարճ հղումը
40 0 0

Պաշտպանը պնդում է՝ դատարանն ամբողջությամբ գործի նյութերին ծանոթ չէր, հետևաբար, խափանման միջոցը փոխելու հիմքեր կան, թե ոչ` չէր կարող որոշել։

ԵՐԵՎԱՆ, 27 օգոստոսի - Sputnik. ՀՀ ֆինանսների նախկին նախարար Գագիկ Խաչատրյանի պաշտպանները բողոքարկելու են Երևանի ընդհանուր իրավասության դատարանի կայացրած որոշումը, որով Խաչատրյանի խափանման միջոց կալանքն անփոփոխ է մնում։ Դատարանի որոշման հրապարակումից հետո այս մասին լրագրողների հետ զրույցում ասաց նրա պաշտպանական թիմի անդամ Երեմ Սարգսյանը։

«Երեկվանից փորձում էի վերլուծել տեղի ունեցած դատական նիստը, փորձելով հասկանալ` արդյո՞ք հնարավոր է, որ այստեղ արդար դատական ակտ կայացվի։ Ակնհայտ էր, որ ոչ։ Եթե միշտ ասում ենք՝ ծանոթանանք դատական ակտին, տեսնենք՝ ինչ է գրել, որ բողոքարկենք, այս անգամ նույնիսկ դրա կարիքը չկա, որովետև գործընթացը ցույց տվեց՝ ակնհայտ է, որ դատարանը գործի նյութերին ընդհանրապես ծանոթ չէր»,- ասաց Սարգսյանը՝ հավելելով, որ դատարանը ֆիզիկապես հնարավորություն չուներ նման կարճ ժամանակահատվածում ծանոթանալու գործի նյութերին։

Պաշտպանը պնդում է՝ իրավական առումով խափանման միջոցը պետք է փոխվեր, ըստ նրա՝ առարկայական որևէ հակափաստարկ չկար։ Ինչպես պետք է դատարանը որոշեր՝ խափանման միջոցը փոխելու հիմքեր կան, թե չկան, եթե գործի նյութերին ամբողջությամբ ծանոթ չէր։

«Նպատակը ձևական պրոցես անցկացնելն էր, որից հետո դատարանն այս որոշումը պատրաստ պետք է բերեր, հրապարակեր»,- ասաց Սարգսյանը։

ՀՀ Կառավարությունը չի կատարել ՄԻԵԴ-ի պահանջը. Գագիկ Խաչատրյանը բուժում չի ստացել

Հիշեցնենք՝ քիչ առաջ Երևան քաղաքի ընդհանուր իրավասության դատարանը, դատավոր Արթուր Մկրտչյանի նախագահությամբ, որոշեց ՀՀ ֆինանսների նախկին նախարար Գագիկ Խաչատրյանի խափանման միջոց կալանքը թողնել անփոփոխ։

Պաշտպանները միջնորդել էին Գագիկ Խաչատրյանին ազատ արձակել կամ առնվազն գրավ կիրառել։ Նրանք պնդում են, որ Խաչատրյանին կալանքի տակ պահելու հիմք չկա, նրա առողջական վիճակը նույնպես անհամատեղելի է կալանքի հետ։

Գագիկ Խաչատրյանը մեղադրվում է պաշտոնեական դիրքի օգտագործմամբ առանձնապես խոշոր չափերով յուրացման, վատնման և դրա կազմակերպման, առանձնապես խոշոր չափերով փողերի լվացմանն օժանդակելու, պաշտոնեական լիազորությունները չարաշահելու, առանձնապես խոշոր չափերով կաշառք ստանալու, պաշտոնեական կեղծիքներ կատարելու համար։

Խաչատրյանին վերագրված 9 դրվագ հանցագործությունների հետևանքով պետությանը պատճառված վնասը և կաշառքի առարկա հանդիսացած գումարը կազմում է շուրջ 20 միլիարդ ՀՀ դրամ:

Գագիկ Խաչատրյանը և նրա որդիները դատի են տվել Փաշինյանին, նրա խոսնակին և աշխատակազմին

Ըստ թեմայի

Գագիկ Խաչատրյանի փաստաբանական թիմը դիմել է ՄԻՊ-ին. նրանք հրատապ արձագանք են ակնկալում
Գագիկ Խաչատրյանի ընտանիքի փաստաբաններն ահազանգում են ճնշումների ու ահաբեկության մասին
Դատարանը բավարարեց Գագիկ Խաչատրյանի որդուն կալանավորելու՝ ԱԱԾ-ի միջնորդությունը
թեգերը:
Գագիկ Խաչատրյան, Երեմ Սարգսյան

Գլխավոր թեմաներ