ԵՐԵՎԱՆ, 29 օգոստոսի – Sputnik. ՀՀ վարչապետ Նիկոլ Փաշինյանը մեկնում է Արցախ: Նա այդ մասին հայտնեց Facebook-ի ուղիղ եթերում, երբ աշխատանքային այցով գտնվում էր Սյունիքի մարզի Անգեղակոթ համայնքում։
«Մենք ծրագիր ունենք, Արցախ պետք է գնանք»,-ասաց վարչապետը և խնդրեց մոտակա գյուղ չմտնել ժամանակի սղության պատճառով։
Նշենք, որ այս պահին Արցախում է նաև ՀՀ պաշտպանության նախարար Դավիթ Տոնոյանը։
Հիշեցնենք, որ վարչապետն այսօր աշխատանքային այցով Սյունիքի մարզ է մեկնել։ Նա Ծղուկ համայնքում հանդիպեց բնակիչների հետ։ Հանդիպման ընթացքում գյուղացիները բարձրացրին արոտավայրերի, մսի և կաթի մթերման հետ կապված խնդիրներ, որոնց առնչությամբ Փաշինյանը հանձնարարականներ տվեց պատասխանատուներին:
