00:35 26 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հայաստան
Ստանալ կարճ հղումը
47 0 0

«Խաղաղության մարտիկ» միջազգային մրցույթում անհատական հաշվարկով կին զինծառայողների մեջ երրորդ տարին անընդմեջ լավագույնը ՀՀ զինված ուժերի թիմից լեյտենանտ Արմինե Գրիգորյանն է:

ԵՐԵՎԱՆ, 2 սեպտեմբերի – Sputnik. Դիլիջանի Մոնթե Մելքոնյանի անվան ռազմամարզական վարժարանում սեպտեմբերի 2-ին տեղի է ունեցել «Խաղաղության մարտիկ» միջազգային մրցույթի փակման հանդիսավոր արարողությունը: Տեղեկությունը հայտնում է ՊՆ մամուլի ծառայությունը։

Միջոցառմանը ներկա են եղել ՀՀ պաշտպանության նախարար Դավիթ Տոնոյանը, ՌԴ պաշտպանության նախարարի տեղակալ, գեներալ-գնդապետ Անդրեյ Կարտապոլովը, ՊՆ և ԶՈւ բարձրաստիճան ներկայացուցիչներ, ՀՀ-ում հավատարմագրված դիվանագիտական ներկայացուցչությունների ռազմական կցորդներ:

Церемония закрытия международного конкурса Воин мира АРМИ-2020 в Дилижанском военном училище имени Монте Мелконяна (2 сентября 2020). Дилижан
Ամփոփվել են «Խաղաղության մարտիկ» մրցույթի արդյունքները

Շնորհավորելով մասնակից պետությունների թիմերին մրցաշարի հաջող անցկացման առիթով՝ ՀՀ պաշտպանության նախարարն իր ելույթում նշել է, որ այս տարի մրցույթն անցկացվել է կորոնավիրուսի համավարակի պայմաններում, ինչը լրացուցիչ պատասխանատվություն և ծանրաբեռնվածություն է առաջացրել թե՛ մասնակիցների, թե՛ կազմակերպիչների համար:

«Պաշտպանության նախարարությունն ամեն ինչ արել է միջոցառումը հետաքրքիր, բովանդակալից և հիշարժան դարձնելու համար: Մենք ըմբռնումով մոտեցանք այն փաստին, որ նախօրոք հայտագրված մի քանի պետություններ հրաժարվեցին թիմեր ուղարկել համավարակի սահմանափակումների հետ կապված»,- ասել է Տոնոյանը՝ շնորհակալություն հայտնելով բոլոր մասնակիցներին ցուցաբերած խիզախության և վճռականության համար:

Церемония закрытия международного конкурса Воин мира АРМИ-2020 в Дилижанском военном училище имени Монте Мелконяна (2 сентября 2020). Дилижан
Դավիթ Տոնոյան

Նախարարը առանձնահատուկ նշել է ավագ լեյտենանտ Արմինե Գրիգորյանի ելույթը (վերջինս հաղթող է դուրս եկել անհատական հաշվարկում), ինչպես նաև շնորհավորել է ռուսական հավաքականին՝ վստահ և վաստակած հաղթանակի համար: Նա ընդգծել է, որ ռուսական հավաքականը գրանցել է պատրաստության ամենաբարձր մակարդակը:

Церемония закрытия международного конкурса Воин мира АРМИ-2020 в Дилижанском военном училище имени Монте Мелконяна (2 сентября 2020). Дилижан
© Photo :
Ամփոփվել են «Խաղաղության մարտիկ» մրցույթի արդյունքները

Գեներալ-գնդապետ Անդրեյ Կարտապոլովն իր հերթին ասել է, որ շատ լավ գիտակցում են, թե ինչքան դժվար է եղել մրցույթի կազմակերպումը անվտանգության ապահովման լրացուցիչ ծանրաբեռնվածության պայմաններում:

«ՌԴ պաշտպանության նախարարի անունից շնորհավորում եմ բոլոր մասնակիցներին անկախ զբաղեցրած հորիզոնականից, չէ՞ որ մասնակցությունն այս մրցույթին արդեն հաղթանակ է»,- ասել է նա:

«Խաղաղության մարտիկ» միջազգային մրցույթում անհատական հաշվարկով կին զինծառայողների մեջ երրորդ տարին անընդմեջ լավագույնը ՀՀ զինված ուժերի թիմից լեյտենանտ Արմինե Գրիգորյանն է: Երկրորդ տեղում ՌԴ թիմից լեյտենանտ Ալեքսանդրա Ախտուլովան է, երրորդը Հունաստանից սերժանտ Կուտուզօղլու Գեստիմանիսն է: Տղամարդկանց անհատական պայքարում մրցանակային բոլոր տեղերը Ռուսաստանի մասնակիցներինն են՝ առաջին տեղ՝ ենթասպա Սերգեյ Սմիրնով, երկրորդ տեղ՝ լեյտենանտ Գերման Դավիդով, երրորդ տեղ՝ ավագ լեյտենանտ Միխայիլ Իվանով:

Церемония закрытия международного конкурса Воин мира АРМИ-2020 в Дилижанском военном училище имени Монте Мелконяна (2 сентября 2020). Дилижан
Բոլոր մրցանակակիրները պարգևատրվել են գավաթներով, մեդալներով և թանկարժեք նվերներով

Թիմային ընդհանուր հաշվարկով մրցույթում երրորդ հորիզոնականն է զբաղեցրել Բելառուսի Հանրապետության զինված ուժերի թիմը, երկրորդ հորիզոնականում Հայաստանի Հանրապետության զինված ուժերի թիմն է: «Խաղաղության մարտիկ-2020» մրցույթում հաղթող է ճանաչվել Ռուսաստանի Դաշնության զինված ուժերի հավաքական թիմը:

Բոլոր մրցանակակիրները պարգևատրվել են գավաթներով, մեդալներով և թանկարժեք նվերներով:

Զինծառայողների ռազմամասնագիտական վարպետության «Խաղաղության մարտիկ» միջազգային մրցույթն անցկացվում է «Միջազգային բանակային խաղեր» մրցաշարի շրջանակում ԱՊՀ մասնակից պետությունների պաշտպանության նախարարների խորհրդի որոշմամբ և ՌԴ պաշտպանության նախարարության ու ԱՊՀ մասնակից պետությունների պաշտպանության նախարարությունների երկկողմ համագործակցության պլանների համաձայն: Երրորդ տարին անընդմեջ «Խաղաղության մարտիկն» անցկացվում է Հայաստանի Հանրապետությունում:

Անցկացվել է «Խաղաղության մարտիկ» մրցույթի առաջին փուլը․ տպավորիչ լուսանկարներ

Ըստ թեմայի

Տոնոյանը հանդիպել է Դմիտրի Շուգաևի և Ալեքսանդր Միխեևի հետ. կարևոր հարցեր են քննարկվել
29 ռեկորդ` «Միջազգային բանակային խաղեր-2020»-ում. Հայաստանը 2 մրցանակային տեղ է զբաղեցրել
Հայաստանը երրորդ տեղն է զբաղեցրել Բանակային խաղերի «Անվտանգ միջավայր» մրցույթում
Տոնոյանը Շոյգուին պատմել է տարածաշրջանում ստեղծված ռազմաքաղաքական իրադրության մասին
Հայաստանում սկսվեց ԱրՄԻ – 2020 «Խաղաղության մարտիկ» մրցույթը
թեգերը:
Դավիթ Տոնոյան, Դիլիջան, Հայաստան

Գլխավոր թեմաներ