12:06 20 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հայաստան
Ստանալ կարճ հղումը
515 0 0

Հայաստանում վիրուսի պատճառով մնացած մասնագետներն արագ աշխատանք գտան, քանի որ կառավարությունն ընդլայնեց կապալային  աշխատանքները։

ԵՐԵՎԱՆ, 2 սեպտեմբերի – Sputnik. Տավուշի մարզի կապալառուներն աշխատում են աշխատանքներում ներգրավել տեղի բանվորներին, սակայն միշտ չէ, որ տեղում հնարավոր է լինում աշխատող գտնել։ Այս մասին Sputnik Արմենիայի հետ զրույցում ասացին ընկերությունների ներկայացուցիչները։

Կապալառուներից մեկը` «Տավուշի ճանապարհների շահագործման և շինարարական ընկերության» ղեկավար Գագիկ Ադամյանը նշեց, որ աշխատողների պակաս չունի։

Շուտով կմեկնարկի Արցախը Հայաստանին կապող նոր մայրուղու շինարարությունը

Մեկ այլ կապալառու` «Ճանապարհ» ՍՊԸ–ի տնօրեն Էդիկ Բեզոյանը նշեց, որ լավ մասնագետներ միշտ էլ պետք են։  Ընկերությունը պետական տենդերով վերականգնել է Աչաջուր գյուղից Մակարավանք տանող ճանապարհը, իսկ այժմ ավարտում է Ադրբեջանի հետ սահմանակից Բերքաբեր գյուղ տանող ճանապարհահատվածի վերանորոգման աշխատանքները։ Այստեղ մնացել է տեղադրել ճանապարհային նշաններն ու գծանշումներ անել։

«Մենք տեղակայված ենք ոչ թե Տավուշում, այլ Երևանում։ Սակայն ուր էլ գնում ենք, ասում ենք` եկեք մեզ մոտ աշխատեք ու գումար վաստակեք։ Ամեն տեղ փորձում ենք տեղացիների վերցնել։ Մեքենաների օպերատորները` բուլդոզերավարները, գրեյդերավարները և այլն, մերն են, քանի որ տեղում նման մասնագետներ գտնելը դժվար է։ Ասում են, այս տարի այդպիսի մասնագետներ կան, որովհետև Ռուսաստան չեն կարողացել մեկնել։ Բայց որտե՞ղ են։ Եթե ասում եք, որ կան, պայմանավորվենք այսպես` եթե լավ մասնագետ գտնեք, կարող եք նրան իմ տվյալները փոխանցել», – ասում է Բեզոյանը։

Մեկ այլ տավուշյան ընկերության` «Վարմաշի» ներկայացուցիչ Կարեն Աֆոյանը նշեց, որ այս տարի Ռուսաստան չմեկնած վարպետներն իրեն շատ են պետք եկել։

Այժմ նա վերանորոգում է Նոյեմբերյանից քիչ հեռու գտնվող Բերդավան գյուղի ճանապարհը։ Այնտեղ շուրջ տասնյակ տեղի գյուղացի է աշխատանքի վերցրել։ Շուտով կսկսի աշխատանքները Այգեհովիտ գյուղում` Իջևանից քիչ հեռու, որտեղ 10 նոր աշխատող կվերցնի, կրկին տեղացիներից։

«Այնտեղի գյուղապետն ինձ ասաց, որ ասֆալտ անող լավ տղերք կան։ Սովորաբար Ռուսաստան են մեկնում, բայց այս տարի չեն գնացել։ Կփորձեմ վերցնել նրանց։ Ընդհանրապես, մի քանի մշտական աշխատող ունեմ Իջևանից և Սևքարից։ Իսկ մյուսներին աշխատում եմ հավաքել այնտեղ, որտեղ այդ պահին աշխատում եմ», – պարզաբանեց նա։

Նաև «Սիրահարների փողոց». ադրբեջանական հրետակոծությունից հետո Այգեպարը գունազարդել են

Բոլորից շատ վարպետների պակաս է զգում կապալառու Ռոբերտ Օխանյանը։ Այսօր նա տներ է կառուցում սահմանամերձ գյուղերում, այդ թվում նաև Չինարիում։ Այստեղ ամենից զատ, ազգային ոճով տուն է կառուցվում հուլիսյան հրետակոծության ժամանակ վնասվածի փոխարեն։  Տունը կղմինդրե տանիք է ունենալու և կառուցված կլինի տեղի ֆելզիտային տուֆով։

«Շատ վարպետներ են պետք, բայց ոչ բոլորն են ուզում գալ մեզ մոտ։ Հավանաբար բարդ աշխատանք են համարում։ Իսկ լավ վարպետներ մեզ շատ են պետք, հատկապես փորձառու բետոնագործներ, մոնտաժողներ։ Լավ ենք վճարում, ամսական 250-300 հազար մաքուր աշխատավարձ կարող են ստանալ», – հավելեց Օխանյանը։

Նա հաստատեց, որ Հայաստանում այս տարի փորձառու շինարարներն իսկապես ավելի շատ են, քանի որ նրանց մի մասը չի կարողացել Ռուսաստան մեկնել կորոնավիրուսի պատճառով ։ Նրանց աշխատանքով ապահովելու  համար այս տարի կառավարությունը կալապային աշխատանքներն ավելացրեց։ Այդ պատճառով գրեթե բոլոր վարպետները զբաղված են, և կրկին մարդկանց պակաս կա։

Հիշեցնենք, որ ավելի վաղ տեղերում աշխատողների պակասի մասին հայտարարել էր վարչապետ Նիկոլ Փաշինյանը։ Նրա խոսքով` դրա պատճառով կանգնում են բյուջետային կապալային աշխատանքները։ Վարչապետը նկատել էր, որ մի շարք դեպքերում տեղի բնակիչները չեն համաձայնում աշխատել նույնիսկ լավ վարձատրության պայմաններում։

Սահմանապահ Այգեպարը նոր գույն է ստանում. Պապիկյանը նոր լուսանկարներ է հրապարակել

Ըստ թեմայի

Տավուշում ոչ մի երեխա ապաստանի կամ սննդի խնդիր չունի. մարզպետ
Ինչ է արվում Տավուշում վնասված բնակավայրերի վերականգման և քաղպաշտպանության համար
Տավուշում գյուղացին պարապ, օտարերկրացիներն են աշխատում. վարչապետին ասել են` ինչու
թեգերը:
աշխատավարձ, աշխատատեղ, աշխատանք, շինարարություն, շինարար, Տավուշ

Գլխավոր թեմաներ