12:06 20 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հայաստան
Ստանալ կարճ հղումը
75 0 0

Մարիամ Մեհրաբովան, Մարգարիտա Պոզոյանը, Գարիկ Մարտիրոսյանն ու այլ հայտնի հայեր շնորհավորել են բարեկամ քաղաքի ծննդյան օրը։

ԵՐԵՎԱՆ, 4 սեպտեմբերի - Sputnik. Մոսկվան նշում է ծննդյան 873-ամյակը: Ռուսաստանի մայրաքաղաքի տոնն արդեն երկրորդ տարին է, որ նշվում է նաև Երևանում «Դոմ Մոսկվի» մոսկովյան մշակութագործարարական կենտրոնի նախաձեռնությամբ։ Կենտրոնի մամուլի կենտրոնի հաղորդմամբ՝ այս տարի, համավարակով պայմանավորված, տոնական միջոցառումները անցկացվում են առցանց։

Եռօրյա տոնական միջոցառումները կմեկնարկեն սեպտեմբերի 4-ին՝ Ազգային պատկերասրահի ռուսական ավանգարդ ցուցասրահում տեսաէքսկուրսիայով, իսկ հիմնական միջոցառումները նախատեսված են հաջորդող երկու օրերին։

Կատարումներով հանդես կգան Մարիամ Մեհրաբովան, Մարգարիտա Պոզոյանը, Օլեգ Պոգուդինը, Սոնան, Հայկոն, Էրիկ Կարապետյանը, Անգելինա Կապլանը, Ալլա Լևոնյանն ու բազմաթիվ այլ հայտնի երգիչներ։ Նրանց կատարումները նվիրված կլինեն բարեկամ երկու մայրաքաղաքներին՝ Երևանին և Մոսկվային։

Նախատեսվում է նաև մանկական համերգային ծրագիր, ինչպես նաև կհնչեն խորհրդային ֆիլմերից արդեն հարազատ դարձած մեղեդիներ։

Երևանում «Դոմ Մոսկվի» կենտրոնի գլխավոր տնօրեն Վահրամ Կարապետյանի խոսքով՝ Մոսկվային ու Երևանին միավորում է բազմադարյա բարեկամությունն ու գործընկերությունը, երկու քաղաքների միջև հոգևոր մտերմություն կա ու նաև անկեղծ հետաքրքրություն միմյանց ավանդույթների ու սովորույթների նկատմամբ։

Նուռն ու դուդուկը մատրյոշկաների և կոկոշնիկների հետ. ինչպես տոնեցին Մոսկվայի օրը Երևանում

«Այսօր նույնպես երկու երկրները շարունակում են զարգացնել ու ամրապնդել բազմակողմանի գործընկերային հարաբերությունները: Վստահ եմ, որ նման միջոցառումները կնպաստեն մշակութային երկխոսության զարգացմանը` դառնալով ռուս և հայ ժողովուրդների դարավոր բարեկամության հերթական վառ ապացույցը»,- խոսելով նախատեսվող միջոցառումների մասին՝ նշեց Երևանում «Դոմ Մոսկվի» կենտրոնի գլխավոր տնօրեն Վահրամ Կարապետյանը։

Մոսկվայի տոնը տեսաուղերձներով շնորհավորել են նաև Գարիկ Մարտիրոսյանը, Կարեն Ավանեսյանը և այլք։

Գարիկ Մարտիրոսյանը նշում է, որ որպես երևանցի առանձնահատուկ հպարտ է, որ իր հարազատ քաղաքում տոնում են Մոսկվայի ծննդյան օրը։ Խոստովանում է՝ Մոսկվան իր համար երկրորդ տուն է դարձել։

«Ուրախալի է, որ նույնիսկ առցանց ֆորմատով հավաքվեցինք այս գեղեցիկ միջոցառումների շուրջ, որոնք էլ ավելի են ամրացնում հայ և ռուս ժողովուրդների բարեկամությունը»,- համոզված է հումորիստ, հաղորդավար Գարիկ Մարտիրոսյանը։

Առցանց միջոցառումներից բացի Մոսկվայի օրվա շրջանակում Հայաստանի շախմատի ակադեմիայի և Մոսկվայի շախմատի ֆեդերացիայի գործակցությամբ անցկացվում են նաև շախմատի և շաշկիի մրցաշարեր։

Տոնի շրջանակում Երևանի Ավ․ Իսահակյանի անվան կենտրոնական գրադարանում նախատեսվում է Ռուսական կենտրոնի բացում, իսկ հայկական դպրոցների ռուսական դասարաններին կփոխանցվեն դասագրքեր։

Մոսկվայում «Թումո» միջազգային կենտրոն է բացվել. Հակոբ Արշակյանը լուսանկարներ է հրապարակել

Բոլոր տոնական միջոցառումներն անցկացվում են Մոսկվայի արտաքին տնտեսական և միջազգային կապերի դեպարտամենտի և «Միջազգային համագործակցության Մոսկովյան կենտրոն» պետական ունիտար ձեռնարկության նախաձեռնությամբ և ՀՀ-ում ՌԴ դեսպանության ու Երևանի քաղաքապետարանի աջակցությամբ։

Միջոցառումները կհեռարձակվեն «Դոմ Մոսկվի» կենտրոնի ֆեյսբուքյան էջում և պաշտոնական կայքէջում։

Ըստ թեմայի

Ինչպես էր աֆրիկացին Երևանում ռուսերենով բանաստեղծություն կարդում Մոսկվայի մասին. տեսանյութ
Մոսկվայի օրերը Երևանում սկսվեցին ցուցահանդեսների բացմամբ, կավարտվեն մեծ համերգով
Խոնարհում՝ Ցեղասպանության զոհերի հիշատակին․ ռուս զինվորականներն այցելել են Ծիծեռնակաբերդ
թեգերը:
տոն, Մոսկվա, Երևան

Գլխավոր թեմաներ