17:06 20 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հայաստան
Ստանալ կարճ հղումը
70 0 0

Դատախազը չառարկեց Բաբլոյանի պաշտպան Արամ Վարդևանյանի միջնորդությանը, դատարանն էլ բավարարեց այն։

ԵՐԵՎԱՆ, 7 սեպտեմբերի - Sputnik. Երևանի ընդհանուր իրավասության դատարանը, դատավոր Հարություն Մանուկյանի նախագահությամբ, այսօր բավարարեց Ազգային ժողովի նախկին նախագահ Արա Բաբլոյանի պաշտպան  Արամ Վարդևանյանի միջնորդությունը և թույլատրեց Բաբլոյանին լքել երկիրը։

Դատախազը չառարկեց պաշտպանի միջնորդությանը, դատարանն էլ բավարարեց այն։

«Դատարանը, հաշվի առնելով Արա Բաբլոյանի անձը, նրա կապը Հայաստանի Հանրապետության հետ, զբաղեցրած պաշտոնը, ինչպես նաև վերջինիս կողմից նախաքննության և դատական քննության ընթացքում դրսևորած վարքագիծը, որոշում կայացրեց միջնորդությունը բավարարել և Արա Բաբլոյանին թույլատրել միջնորդությամբ նշված ժամանակահատվածում միջնորդությամբ նշված վայր մեկնել և վերադառնալ», - ասաց դատավորը։

Նշենք, որ նիստի ընթացքում չնշվեց, թե ուր է պատրաստվում մեկնել Բաբլոյանը և ինչ նպատակով։

Նույն գործով անցնում է նաև «Հայրենիք» կուսակցության խորհրդի նախագահ Արսեն Բաբայանը։ Նրա փաստաբան Երվանդ Վարոսյանը Բաբայանի նկատմամբ ընտրված խափանման միջոցը վերացնելու վերաբերյալ միջնորդություն ներկայացրեց։ Դատախազը առարկեց։ Դատարանը գնաց խորհրդակցության` որոշում կայացնելու։

Բաբլոյան. ««Արաբկիրը» պատրաստ է օգնել բուժհիմնարկներին` չմտածելով փոխհատուցման մասին»

Հիշեցնենք` Արա Բաբլոյանը մեղադրվում է ՀՀ քրեական օրենսգրքի 300-րդ հոդվածի և 314-րդ հոդվածի 1-ին մասերով` մի խումբ պաշտոնատար անձանց հետ ՀՀ սահմանադրական դատարանի լիազորություններին տիրանալու, ինչպես նաև պաշտոնեական կեղծիք կատարելու մեջ:

Իսկ Արսեն Բաբայանին մեղադրանք է առաջադրվել ՀՀ քրեական օրենսգրքի 38-300-րդ հոդվածի և 314-րդ հոդվածի 1-ին մասերով` Արա Բաբլոյանի և այլ պաշտոնատար անձանց կողմից ՀՀ սահմանադրական դատարանի լիազորություններին տիրանալուն օժանդակելու, ինչպես նաև պաշտոնեական կեղծիք կատարելու մեջ:

Ըստ թեմայի

Չեն յուրացրել, չարաշահել են. Արա Բաբլոյանի ու Արսեն Բաբայանի մեղադրանքները փոխվել են
Նման արարք չէր կարող թույլ տալ. Արա Բաբլոյանը` Սերժ Սարգսյանի դեմ հարուցված քրգործի մասին
«Գործավարական փնթիություն». Բաբլոյանի և Բաբայանի գործով նիստը հետաձգվեց
թեգերը:
փաստաբան, Արա Բաբլոյան, Դատավոր, Դատարան

Գլխավոր թեմաներ