ԵՐԵՎԱՆ, 11 սեպտեմբերի – Sputnik. «Կովկաս-2020» ռազմավարական հրամանատարաշտաբային զորավարժություններին կմասնակցեն ՀՀ Զինված ուժերի տանկային և մոտոհրաձգային ստորաբաժանումները: Տեղեկությունը հայտնել է ՀՀ ՊՆ մամուլի քարտուղար Շուշան Ստեփանյանը։
Նրա խոսքով՝ հայ զինծառայողները կգործեն «Ալագյազ» բարձրլեռնային զորավարժարանում(Հայաստան) և «Աշուլուկում» (Աստրախանի մարզ):
Զորավարժություններին մասնակցելու համար Ռուսաստանը զինծառայողներ է հրավիրելՀայաստանից, Բելառուսից, Չինաստանից, Մյանմայից, Պակիստանից, Ադրբեջանից և Իրանից։ Ինչպես տեղեկացնում է ՌԻԱ Նովոստին, այս մասին ասել է Ռուսաստանի պաշտպանության փոխնախարար Ալեքսանդր Ֆոմինը՝օտարերկրյա ռազմական կցորդների համար ճեպազրույցի ժամանակ։
Ավելի վաղ Ռուսաստանի պաշտպանության նախարար Սերգեյ Շոյգուն հայտարարելէր, որ «Կովկաս-2020» զորավարժությանը նախատեսվում է 9 օտարերկրյա պետությունների զորակազմերի մասնակցությունը:
«Զորքերի ցամաքային խմբավորման կազմում համատեղ գործողությունների մշակման համար վարժանքներին հրավիրված են Հայաստանի, Բելառուսի, Չինաստանի, Մյանմայի և Պակիստանի զինվորական կազմավորումները: Կասպից ծովի ջրատարածքում զորավարժության դրվագների խաղարկմանը մասնակցելու համար հրավիրված են Ադրբեջանն ու Իրանը»,-ասել է Ֆոմինը։
ՀՀ-ում մեկնարկել է ռուսաստանցի զինծառայողների հետ համատեղ զորավարժությունը
Նրա խոսքով՝ վարժանքը տեղի կունենա երկու փուլով։ Առաջին փուլի ընթացքում ռազմական կառավարման մարմինները ռազմական գործողություններ կպլանավորեն պայմանական ռազմաքաղաքական իրադրությունում: Երկրորդ փուլում տեղի կունենան բազմազգ զորախմբի համատեղ մարտական գործողությունները։
ԱՊՀ երկրներում կստուգեն ՀՕՊ համակարգերի մարտունակությունը. մանրամասներ
«Նախատեսվում է զորքերի ցամաքային խմբավորումների, ավիացիայի և ՀՕՊ խմբավորումների, Սևծովյան նավատորմի, Կասպյան նավատորմի ուժերի գործողությունների խաղարկում՝ զանգվածային կրակային հարված հասցնելու և պայմանական հակառակորդի ջախջախման նպատակով հարձակողական գործողություններ իրականացնելու ժամանակ»,-նշել է Ֆոմինը։
Հիշեցնենք, որ զորավարժությունները կանցկացվեն սեպտեմբերի 21-26-ը։
