03:29 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հայաստան
Ստանալ կարճ հղումը
150 0 0

Փաշինյանը երեխաներին կոչ արեց դնել իրենց առաջ առաջ բարձր նշաձողեր` փոխելու սեփական քաղաքը, երկիրն ու աշխարհը։

ԵՐԵՎԱՆ, 15 սեպտեմբերի - Sputnik. 21–րդ դարում առանց կրթության ոչինչ անել հնարավոր չէ։ Այսկերպ սկսեց իր խոսքը ՀՀ վարչապետ Նիկոլ Փաշինյանն այսօր մասնակցելով Երևանի Ռաֆայել Իշխանյանի անվան N 153 հիմնական դպրոցի բացման արարողությանը։

«Մեր երեխաներն այսօր քննադատաբար են վերաբերվում ամեն ինչին, և ով քննադատաբար է մտածում, կարող է մտածել, որ կարող է առանց կրթության էլ G կարգի Mersedes կամ «Յաշիկ» ունենալ,–ասաց Փաշինյանը։

Նա հավելեց` այո՛, առանց կրթության գուցե հնարավոր է ինչ–որ չափի նյութական բարիք ստեղծել, G կարգի մերսեդես ունենալ, բայց հնարավոր չէ այն ստեղծել։

Փաշինյանը նշեց, որ այն, թե ինչպես են երեխաներն անցկացնում դպրոցի հարկի տակ անցկացրած յուրաքանչյուր րոպեն, ցույց է տալիս, թե ինչպիսին է լինելու նրանց ապագան։  Նա նշեց` ուզում է, որ երեխաներն ապագայում երջանիկ լինեն ամենօրյա աշխատանքի մեջ, որ ուրիշներին երջանկություն պարգևելը լինելը լինի նրանց ամենակարևոր առաքելությունը, որովհետև դա  է ամենամեծ երջանկությունը։ 

«Մեր գերագույն նպատակն է, որ Հայաստանմում կրթությունը լինի ազգային նպատակ։ Ես ուզում եմ որ դուք պատրաստ լինեք վաղվա պատասխանատվությանը, որն անխուսափելիորեն ծանրանալու է ձեր ուսերին։ Ես ուզում եմ, որ դուք ունենաք ուժեղ լինեք։ Ձեր և մեր ճակատագիրը դասավորվեց այնպես, որ արդեն պատասխանատվություն ունեք։ Դիմակ դնելով դուք այսօրվանից կարող եք պատասխանատու լինել ձեր տատիկների, պապիկների, ծնողների ու ընկերների նկատմամբ»,–նշեց վարչապետը։ 

Փաշինյանն ասաց, որ դիմակը մի շատ վատ հատկություն ունի. ծածկում է ժպիտը, բայց ինքը վերջերս նկատել է, որ աչքերն ավելի ուժեղ են արտահայտում ժպիտը։ 

Շնորհավորելով երեխաներին նոր ուսումնական տարվա առթիվ, Փաշինյանն ասաց, որ երկիրը կրթության հարցում պետք է առաջնորդվի երեք կարգախոսով.

  • Ուժեղ և երջանիկ անհատ
  • Ուժեղ և երջանիկժողովուրդ
  • Ուժեղ և երջանիկ պետություն

Նա երեխաներին կոչ արեց դնել իրենց առաջ առաջ բարձր նշաձողեր` փոխելու սեփական քաղաքը, երկիրն ու աշխարհը։

Նշենք, որ վերակառուցված դպրոցում սովորում է շուրջ 700 աշակերտ, սակայն պայմանները թույլ են տալիս, որ այն ընդունի մինչեւ 950 երեխայի։

Վերակառուցման ընդհանուր բյուջեն կազմել է 1,3 մլրդ դրամ։

Հիշեցնենք` կորոնավիրուսային իրավիճակով պայմանավորված` դպրոցներում ուսումնական պրոցեսի կազմակերպման համար հստակ կանոններ են սահմանվել։ 

Առանց դիմակի արգելվում է մուտքը դպրոց: Դիմակ չունեցող աշակերտներին և անձնակազմին մուտքի մոտ տրամադրվում է մեկանգամյա օգտագործման դիմակ։

Դպրոցի մուտքի մոտ կատարվում է պարտադիր ջերմաչափում և ձեռքերի ախտահանում։ Օրվա ընթացքում առնվազն 3 անգամ կատարվում է 8-10 րոպե տևողությամբ օդափոխություն։ Աշակերտին կարող է ուղեկցել ոչ ավել, քան մեկ անձ: Ուղեկցողի մուտքը դպրոց արգելվում է՝ բացառությամբ կրթության առանձնահատուկ պայմանների կարիք ունեցող սովորողների։

Նախարարը հաստատել է դպրոցների ուսպլանները. ո՞ր դասարաններն արձակուրդ կունենան

Արգելվում է զանգվածային միջոցառումների իրականացումը։ Ժամանակավորապես դադարեցվում են երկարօրյա ծառայությունները։

Դասարաններում սովորողների առավելագույն թույլատրելի թիվը 20-ն է։ Դասարանները բաժանվում են խմբերի՝ ելնելով 1.5 մետր սոցիալական հեռավորություն ապահովելու հնարավորություններից։ Դպրոցներում սահմանվում է 6-օրյա աշխատանքային ռեժիմ։

Դասամիջոցների ընթացքում սովորողները չեն լքում դասասենյակը։ Աշակերտները դասին մասնակցում են տեղից, գրատախտակի մոտ կանչելն արգելվում է։

Ըստ թեմայի

Դպրոցների անձնակազմը կորոնավիրուսի թեստ է հանձնում. շուրջ 30 000 անձ կթեստավորվի
Ամեն ինչ կանենք, որ մեր երեխաները լիաթոք շնչեն. վարչապետը` դպրոցներում դիմակ դնելու մասին
Ֆիոլետովո գյուղի դպրոցն այս տարի այլ տեսք ուներ. ինչ փոփոխություններ էին արվել
թեգերը:
դիմակ, կորոնավիրուս, դպրոց, Նիկոլ Փաշինյան

Գլխավոր թեմաներ