04:16 28 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44
Հայաստան
Ստանալ կարճ հղումը
Կորոնավիրուսը Հայաստանում և Արցախում (1590)
182140

Մինչև կորոնավիրուսի համավարակը որևէ մեկի մտքով անգամ չէր անցնի, որ 17-ամյա Անին մի օր կորոշի սեփական բիզնես հիմնել ու հաջողություններ արձանագրել։ Եվ, ահա ինքնամեկուսացման օրերին ծնված գաղափարը աղջիկը շատ արագ կյանքի կոչեց, թե ինչպես՝ կպատմենք մեր հոդվածում։

ԵՐԵՎԱՆ, 18 սեպտեմբերի - Sputnik, Արմենուհի Մխոյան. Ամեն ինչ սկսվեց համավարակի օրերին հարկադիր մեկուսացումից. մինչ ոմանք նեղսրտում էին պարետի՝ իրենց դուսուներս անելը սահմանափակող որոշումներից, գյումրեցի 17-ամյա Անի Բարսեղյանը որոշեց մի այնպիսի զբաղմունք գտնել, որը հնարավորություն կտա կենդանի շփման բացը լրացնել, նաև հարազատներին ու մյուսներին ուրախացնել:

Основательница цветочного бизнеса, 17-летняя Ани Барсегян из Гюмри
© Sputnik / Armenuhi Mkhoyan
Անի Բարսեղյան

«Չէի ուզում, որ անշունչ ինչ-որ բանով զբաղվեմ, ասենք` հուշանվեր պատրաստեմ, որը կավարտվեր այն պահարանի վրա տեղադրելով։ Ուզում էի՝ շնչավոր լիներ, որը ջերմություն կփոխանցեր մարդկանց ու որոշեցի ծաղիկներ աճեցնել։ Այդ օրերին սահմանափակված մարդկային շփումը ինչ-որ կերպ այդ ծաղիկները կարող էին լրացնել»,- պատմում է Անին։

Цветочный бизнес 17-летней Ани Барсегян мз Гюмри
© Sputnik / Armenuhi Mkhoyan
Անի Բարսեղյանի աճեցրած ծաղիկները

Որոշում կայացնելու համար շատ ժամանակ չպահանջվեց։ Առանց հապաղելու ծաղկամաններ գնեց և սկսեց կյանք տալ կակտուսներին ու սենյակային ծաղիկներին, որոնք կա՛մ տարբեր մարդկանցից էր խնդրում, կա՛մ գնում էր խանութից։ Գործի հիմնական մասն ավարտելուց հետո աղջիկը որոշեց ապրանքանիշը՝ ՆռԱնի, դիզայնը և ծաղիկների վաճառքի մասին հայտարարությունը տեղադրեց սոցիալական ցանցի էջում: 

«Ուզում էի, որ ապրանքանիշը հայկական ինչ-որ էլեմենտ պարունակեր։ Առաջինը նուռը եկավ գլխումս ու տարբերվելու համար իմ անունն էլ ավելացրի, ստացվեց՝ ՆռԱնի»,- ասում է Անին:

Цветочный бизнес 17-летней Ани Барсегян мз Гюмри
© Sputnik / Armenuhi Mkhoyan
Անի Բարսեղյանի աճեցրած ծաղիկները

Կարճ ժամանակ անց սենյակային ծաղիկների բիզնեսի մասին լուրը տարածվեց Գյումրիում: Նման հաջողության մասին ո՛չ ինքը, ո՛չ էլ ընտանիքի անդամներն անգամ չէին մտածում: 

«Անակնկալ որոշում էր, չէինք սպասում, որ նման հաջողության կհասներ, բայց հիմա հպարտանում ենք: Այս ծաղիկների նրբությունն ու պարզությունը Անիիս գրավեց, ուրախ ենք, որ ամեն ինչ՝ սկսած գաղափարից, մինչև գովազդն ու առաքման կազմակերպումը, իրենն են»,- հպարտությամբ նշում է Անիի մայրը՝ Սյուզաննա Թադևոսյանը:

«Դիսնեյլենդ» չէ, բայց պակաս էլ չէ. Գյումրիում եզակի ժամանցային այգի կկառուցեն

Բայց բիզնեսն իր կանոններն ունի․ մեկ փոքրիկ սայթաքում և կարող ես ամեն ինչ կորցնել։ Որպեսզի նորաստեղծ բիզնեսը ծաղկի, Անին երկու կարևոր հնարք է կիրառել․ մատչելին ու հաճելին մեկտեղել է, այնպիսի գին է սահմանել, որ բոլորի գրպանին հարմար լինի, նաև մատուցման ինքնատիպ եղանակ է գտել՝ փոքրիկ ծաղիկներն աճեցնոմ է հետաքրքիր, փոքրիկ ծաղկամաններում:

Цветочный бизнес 17-летней Ани Барсегян мз Гюмри
© Sputnik / Armenuhi Mkhoyan
Անի Բարսեղյանի աճեցրած ծաղիկները

Երբ ակնարկեցինք վաճառքի գինը փոքր-ինչ ավելացնելու մասին, Անին միանգամից մերժողական կեցվածք ընդունեց։

«Ոչ, ոչ։ Ուզում եմ, որ բոլորի գրպանին հարմար լինի, հատկապես մեր քաղաքում դրա կարիքը կա: Ես հասկացա, որ նույնիսկ ամենահասարակ ծաղիկը՝ երիցուկը, ճիշտ մատուցելու դեպքում, իր գնորդին կգտնի»,- պատասխանեց աղջիկը:

Եռաչափ և 2D. գյումրեցի երիտասարդը էկոլոգիապես մաքուր, անվտանգ և հետաքրքիր խաղեր է ստեղծում

Դրական լիցքեր ու ջերմություն փոխանցելուց զատ, Անիի ծաղիկները նաև «խոսում են»․ Անին դրանց վրա ձեռագիր նախադասություններ է ամրացնում, առայժմ միայն անգլերենով՝ երիտասարդներին գրավելու համար, բայց խոստանում է՝ գնորդները շուտով հնարավորություն կունենան ձեռք բերել նաև Գյումրու բարբառով «խոսող» ծաղիկներ:

Цветочный бизнес 17-летней Ани Барсегян мз Гюмри
© Sputnik / Armenuhi Mkhoyan
Անի Բարսեղյանի աճեցրած ծաղիկները

Անին նաև ապագա ուսանողուհի է։ Երազում է միջմշակութային հաղորդակցություն ուսումնասիրել, ու թեև ԲՈՒՀ ընդունվելու պատճառով չի հասցնում ծաղիկներին շատ ժամանակ տրամադրել, բայց չի պատրաստվում սկսած գործը «ջուրը գցել»:

Աճեմյանցիները 6 ամիս անց «պարտքը» տվեցին երեխաներին. բացօթյա ներկայացում Գյումրիում

«Արձագանքն այնքան մեծ է, այնքան են գրում ու շնորհակալություն հայտնում, որ դժվար հրաժարվեմ սրանից, բացի այդ, ես էլ եմ դրական էներգիա ստանում: Ուսմանս զուգահեռ անպայման կշարունակեմ այս գործը: Կյանքս առանց ծաղիկների էլ չեմ պատկերացնում»,- խոստովանում է աղջիկը:

Основательница цветочного бизнеса, 17-летняя Ани Барсегян из Гюмри
© Sputnik / Armenuhi Mkhoyan
Անի Բարսեղյան

Նա առայժմ սեփական խանութ ունենալու մասին չի մտածում, վաճառքն առցանց է կազմակերպում: Դասընկերներն արդեն գիտեն Անիի նոր զբաղմունքի մասին, առաջին գնորդները հենց նրանք են և շատ են քաջալերում նորաթուխ բիզնես լեդիին:

Խախտելով ակադեմիական թատրոնի կանոնները. Գյումրին արդեն «Մտորումների թատրոն» ունի

Ինչ խոսք՝ այս ամենը չէր լինի, եթե չլիներ Անիի ծնողների դրական արձագանքն ու աջակցությունը: Մեծ է նաև նվիրյալ ու սրտացավ հաճախորդների ներդրումը, որոնք ոչ միայն պարբերաբար գնում են «ՆռԱնիի» ծաղիկները, այլև դրանք նկարում ու տարածում են սոցիալական ցանցերում:

թեմա:
Կորոնավիրուսը Հայաստանում և Արցախում (1590)

Ըստ թեմայի

«Թող անցյալը մոռացվի», կամ ինչու գյումրեցին մատնեց ամենամոտ ընկերոջը
«Բաղնիքը մենակ լողնալու տեղ չէր», կամ հին գյումրեցիներն անգամ այստեղ էին յուրահատուկ
Չեմպիոնի տիտղոսն ու երկրաշարժը. ինչպես գյումրեցի մարզիկը մեկ օրում Կանադայից Երևան հասավ
Ինչպես գյումրեցի տղամարդը սկսեց յուրօրինակ կտավներ ստեղծել գրչով
թեգերը:
առցանց վաճառք, վաճառք, Ծաղիկ, կորոնավիրուս, Արտակարգ դրություն, բիզնես, Գյումրի, Հայաստան

Գլխավոր թեմաներ