15:33 25 նոյեմբերի 2020
Ուղիղ եթեր
  • USD512.31
  • GBP684.65
  • EUR608.83
  • RUB6.75
Հայաստան
Ստանալ կարճ հղումը
65 0 0

Բուժկենտրոնից շեշտում են՝ երեխայի մոտ առաջացած գանգատները որևէ կապ չունեն գարդասիլի պատվաստման հետ: Աղջիկը դուրս է գրվել հիվանդանոցից բավարար վիճակում:

ԵՐԵՎԱՆ, 18 սեպտեմբերի - Sputnik. «Սուրբ Աստվածամայր» բժշկական կենտրոնի մամուլի ծառայությունը հերքում է երեկվանից ակտիվորեն տարածվող այն տեղեկությունը, թե «Երևանում գարդասիլի պատվաստումից հետո անչափահաս աղջիկ է կուրացել»։

«Այն ամբողջովին ապատեղեկատվություն է, չունի որևէ բժշկական հիմնավորում և դեռահասի մոտ չկա կուրություն»,- նշված է հաղորդագրության մեջ:

Ի՞նչ է իրականում տեղի ունեցել անչափահաս աղջկա հետ. մանրամասնում են բուժկենտրոնից՝ տեղեկացնելով, որ 17-ամյա աղջիկը հոսպիտալացվել էր «տեսողական նյարդի նևրիտ» նախնական ախտորոշմամբ: Արդեն կենտրոնում ախտորոշման հստակեցման նպատակով մի շարք լաբորատոր-գործիքային հետազոտություններ են իրականացվել, կատարվել է նաև MRT 3T հետազոտություն։ Ակնաբուժական կլինիկայում անցկացվել են առաջատար նեղ մասնագետների խորհրդատվություններ, որոնց արդյունքում երեխայի մոտ հերքվել է «տեսողական նյարդի նևրիտը»:

«Ակնաբույժի կողմից հայտնաբերվել է տեսողության սրության խնդիր, որը նյարդաբանական ծագում չունի և չունի որևէ պատճառահետևանքային կապ պատվաստման հետ: Արդեն այսօր աղջիկը հերթական հետազոտությունն է անցել ակնաբույժի կողմից: Երեխայի մոտ ախտորոշվել է թույլ աստիճանի հեռատեսություն, նշանակվել է ակնոց, որով տեսողությունը հավասար է 1,0-ի (100 տոկոս)»,- տեղեկացնում են կենտրոնից՝ հավելելով, որ կատարվել է նաև ակնահատակի նեղ զննություն, որի արդյունքում ևս ախտաբանական շեղում չի հայտնաբերվել:

Շարունակելու ենք փրկել կյանքեր՝ անկախ «Գարդասիլի» դեմ անհիմն մեղադրանքներից. նախարար

17-ամյա աղջիկը դուրս է գրվել հիվանդանոցից բավարար վիճակում:

Բուժկենտրոնից շեշտում են՝ երեխայի մոտ առաջացած գանգատները որևէ կապ չունեն գարդասիլի պատվաստման հետ:

Նշենք, որ դեռ երեկ լրատվամիջոցներում տարածվող տեղեկությունը հերքել է նաև ՀՀ առողջապահության նախարարության մամուլի ծառայությունը։ Նախարարությունից հաստատել էին, որ սեպտեմբերի 8-ին «Արմենիա» հանրապետական բժշկական կենտրոնի պոլիկլինիկայում երեխան ստացել է մարդու պապիլոմավիրուսային վարակի դեմ պատվաստման 3-րդ դեղաչափը: Հաջորդ օրը երեխայի մայրը բժշկին տեղեկացրել է, որ երեխան գանգատվում է տեսողության խանգարումից, սակայն պոլիկլինիկա չեն ներկայացել՝ պատճառաբանելով, որ երեխան աշխատանքի է: Բժշկի հորդորով`սեպտեմբերի 14-ին երեխան այցելել է պոլիկլինիկա, որտեղ զննության է ենթարկվել նյարդաբանի և ակնաբույժի կողմից, ուղեգրվել «Սուրբ Աստվածամայր» բժշկական կենտրոն, արդեն կենտրոնում հերքվել է «տեսողական նյարդի նևրիտն» ու երեխայի ունեցած գանգատների կապը պատվաստման հետ։

Հիշեցնենք՝ Մարդու պապիլոմա վիրուսային վարակի դեմ «Գարդասիլ» պատվաստանյութով պատվաստումները Հայաստանում պաշտոնապես մեկնարկել են 2017թ-ի դեկտեմբերի 11-ից։ Թիրախային խումբ են ընտրվել 13 տարեկան աղջիկները, քանի որ պատվաստումը պետք է կատարվի մինչև առաջին սեռական հարաբերությունը։ Այս պատվաստումը պարտադիր չէ։ Դրանից հրաժարվելու համար ծնողը պետք է ներկայանա պոլիկլինիկա և գրավոր դիմում գրի` հաստատելով, որ ծանոթ է հավանական հետևանքներին։ Հայաստան ներմուծած «Գարդասիլի» ամբողջ խմբաքանակն արտադրվել է ԱՄՆ–ում 2016 թվականին, լաբորատոր ստուգում է անցել Նիդեռլանդներում։

Ըստ թեմայի

Հայերին վախեցրին «Գարդասիլով». պատվաստումները ցանկալի ծավալներ չեն գրանցում
Սկանդալ «Գարդասիլ» պատվաստանյութի շուրջ․ պատվաստվածներին անպտղությո՞ւն է սպառնում
«Գարդասիլը» չեն փորձաքննի, պատվաստումները չեն դադարեցնի. նախարարության պատասխանը
թեգերը:
ՀՀ Առողջապահության նախարարություն, պոլիկլինիկա, հիվանդանոց, պատվաստանյութ, պատվաստումներ, Գարդասիլ, Հայաստան

Գլխավոր թեմաներ