04:06 28 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44
Հայաստան
Ստանալ կարճ հղումը
791 0 0

Sputnik Արմենիայի մոտ հայտնված քրեական գործի նախաքննության նյութերում 2019թ–ի հունվարի 29-ին կազմված արձանագրության մեջ գրված է, որ «նշված հանցագործությունը կազմակերպել է Նվեր Գագիկի Ծառուկյանը»։

ԵՐԵՎԱՆ, 20 սեպտեմբերի — Sputnik. «Բարգավաճ Հայաստան» կուսակցության նախագահ Գագիկ Ծառուկյանի որդի Նվեր Ծառուկյանը  2019 թվականի հունվարի 29-ին Աբովյան քաղաքի «Պարտեզ» ռեստորանի բակում տեղի ունեցած սպանության գործի նախաքննության շրջանակներում հարցաքննվել է։ Տեղեկությունը Sputnik Արմենիայի հարցմանն ի պատասխան հայտնեցին ՀՀ Քննչական կոմիտեից։

Ստացված պատասխանում ասված է. «Նախաքննության ընթացքում Նվեր Ծառուկյանը հարցաքննվել է որպես վկա, սակայն թե քանի անգամ և երբ, նախաքննության գաղտնիությունից ելնելով` ներկա փուլում նման տեղեկություն հնարավոր չէ տրամադրել»։

Փոխարենը Նվեր Ծառուկյանի փաստաբան Էմին Խաչատրյանը հայտնեց, որ հարցաքննությունը տեղի է ունեցել հունիսին` իր պաշտպանյալի առողջանալուց հետո։

«Այո՛, հարցաքննվել է։ Հենց երկրորդ թեստից հետո արդեն, երբ որ թեստի պատասխանը բացասական եղավ, մեր նախաձեռնությամբ ներկայացել ենք վարույթ իրականացնող մարմին, պատասխանել ենք հետաքրքրող հարցերին»,– մեր հարցին ի պատասխան ասաց Էմին Խաչատրյանը։

«Մենք իրենց կսովորեցնենք խոսելու ձևը». Փաշինյանը ներկայացրեց Ծառուկյանների քրգործերը

Նա նաև հայտնեց, որ իր պաշտպանյալը ցայսօր շարունակում է մնալ վկայի կարգավիճակում, և սա այդ կարգավիճակում նրա երկրորդ հարցաքննությունն է։ Առաջինը տեղի է ունեցել 2019թ–ին, դեպքից հետո։

Հետաքրքրական է, որ Sputnik Արմենիայի մոտ հայտնված քրեական գործի նախաքննության նյութերում 2019թ–ի հունվարի 29-ին կազմված արձանագրության մեջ գրված է, որ «նշված հանցագործությունը կազմակերպել է Նվեր Գագիկի Ծառուկյանը»։

Страница дела погибшего Дживана Арутюняна
© Sputnik / Stringer
Ոստիկանության գրությունը

«Ուսումնասիրությամբ պարզվել է, որ դեպքին անմիջապես նախորդող ժամանակահատվածում Ն Ծառուկյանի հետ նույն վայրում են գտնվել Սևակ Արմիկի Սեդրակյանը, «Թաթ» մականունով Արթուր Համլետի Վարդանյանը և Արթուր Մովսիսյանը, որից հետո վերջիններս գտնվել են դեպքի վայրում»,– ասված է նախաքննության նյութերում։

Փորձում են կոծկե՞լ. «Պարտեզում» սպանված Ջիվանի հարազատները պահանջում են գտնել կազմակերպչին

Հատկանշական է, որ այս արձանագրությունը կազմելու հենց հաջորդ օրը` 2019թ–ի հունվարի 30-ին, ՀՀ ոստիկանության պետ Վալերիյ Օսիպյանի հրամանով արձանագրությունը ստորագրած Աբովյանի ոստիկանության բաժնի պետ Հովհաննես Մարտիրոսյանն ու ՀՀ ոստիկանության Կոտայքի մարզային վարչության պետ, գնդապետ Արամ Հովհաննիսյանն ազատվել էին զբաղեցրած պաշտոններից։

Ըստ թեմայի

Ապացուցեք, գործարանը կնվիրեմ. Ծառուկյանը բարկացավ, Սիմոնյանը նրան հազիվ հեռացրեց ամբիոնից
Հայաստանի խոշոր բիզնեսը «հարմոն է նվագում». ո՞ր ոլորտներն են «ակտիվացել»
Շեյխերը, նրանց եղբայրներն ու մորքուրի զավակները. «Իմ քայլն» ու ԲՀԿ–ն վիճում են ԱԺ–ում
թեգերը:
Քրեական գործ, Նվեր Ծառուկյան, Գագիկ Ծառուկյան

Գլխավոր թեմաներ