20:52 30 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հայաստան
Ստանալ կարճ հղումը
7010

ԵԿՄ նախագահը նշել է, որ նոր ստեղծվելիք աշխարհազորը երկրապահի հետ ընդհանրապես որևէ կապ չունի։

ԵՐԵՎԱՆ, 21 սեպտեմբերի - Sputnik. Պատերազմում երկրորդ, երրորդ պլան չկա։ Պատերազմին ուղղակի պետք է պատրաստ լինի թիկունքի, առաջնագծի, աշխարհազորի և ԵԿՄ–ի յուրաքանչյուր անդամ։ Եռաբլուրում լրագրողների հետ զրույցում նման կարծիք հայտնեց ԵԿՄ նախագահ Սասուն Միքայելյանը` պատասխանելով հարցին, թե արդյո՞ք աշխարհազորի ստեղծմամբ ԵԿՄ–ն երկրորդ պլան չի մղվի։

«Պատերազմը հաղթում են բոլորով։ Նոր ստեղծվելիք աշխարհազորը երկրապահի հետ ընդհանրապես կապ էլ չունի, չնայած երկրապահն աշխարհազորի հիման վրա է ձևավորվել։ Աշխարհազորը պետք է լուրջ կառույց լինի»,–ասաց Միքայելյանը։

Նրա խոսքով` աշխարհազորը երբեք երկրապահի գործունեությանը չի խանգարի և հակառակը։ Միքայելյանը հիշեցրեց` առաջին իսկ հրահանգի դեպքում ԵԿՄ–ից առնվազն 8000 մարդ կարող է սահման մեկնել։

ԵԿՄ նախագահը նշեց` թող մոռանան, որ ԵԿՄ անունը կարող է փոխվել, չնայած հնարավոր է աշխարհազորին կից կառույց լինել։ Միքայելյանն իր խոսքն ամփոփեց` ասելով, որ կողմ է աշխարհազորի ձևավորմանը։

Հիշեցնենք, որ ՀՀ պաշտպանության նախարարությունը հանրային քննարկման է ներկայացրել օրենքի նախագծեր, որոնց համաձայն սահմանվում են Երևան քաղաքում աշխարհազորի ստեղծման և ղեկավարման, աշխարհազորայինների հավաքագրման հետ կապված հարաբերությունները:

Հայաստանում պահեստազորի եռամսյա զորահավաք կանցկացվի

Հավանական հակառակորդի ռազմական գործողությունների ուսումնասիրումը ցույց է տալիս, որ ռազմական գործողությունների ծանրության կենտրոնը կարող է տեղափոխվել երկրի տարածքի խորքը՝ դիվերսիոն կամ ահաբեկչական կամ հետախուզական կամ հատուկ օպերացիաների ուժերի և այլ գործողությունների, ինչպես նաև հակառակորդի զինված ուժերի ներթափանցած խմբերի լայնորեն կիրառմամբ: Դրանց դիմակայելու, չեզոքացնելու և ոչնչացնելու նպատակով անհրաժեշտ է ստեղծել միասնական ղեկավարության ներքո գործող ուժերի և միջոցների համախումբ՝ աշխարհազոր, որը պատերազմի ժամանակ ի զորու կլինի հակառակորդի հավանական գործողություններից հուսալիորեն պաշտպանել երկրի տարածքը, բնակչությունը, կարևորագույն օբյեկտներն ու ենթակառուցվածքները:

Աշխարհազորի ստեղծումը լայնամասշտաբ պատերազմի պատրաստվելու համա՞ր է. Տոնոյանի պատասխանը

Ըստ թեմայի

Երևանում աշխարհազոր կստեղծվի. ՊՆ–ն հանրային քննարկման է ներկայացրել օրենքի նախագծերը
Միքայելյանի հրահանգով ԵԿՄ Շիրակի բաժանմունքի պետն ազատվել է աշխատանքից. «Ժողովուրդ»
«ԵԿՄ–ն չպիտի դառնա քաղաքական կողմ և քաղաքականության մաս». Փաշինյանը` ԵԿՄ դերի մասին
Զինված մարդիկ փողոցներում չեն շրջի. ՊՆ–ն` աշխարհազորի մասին
թեգերը:
աշխարհազոր, Երկրապահ կամավորական միություն (ԵԿՄ), Պատերազմ, Սասուն Միքայելյան, Հայաստան

Գլխավոր թեմաներ