03:40 28 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հայաստան
Ստանալ կարճ հղումը
60 0 0

Սահմանադրական դատարանի դատավորներն այսօր նախագահ են ընտրելու։ ՍԴ նիստին հաշված ժամեր են մնացել։

ԵՐԵՎԱՆ, 23 սեպտեմբերի — Sputnik. ՍԴ դատավոր Վահե Գրիգորյանն այսօր լրագրողների հետ զրույցում ասաց, որ դեռ ՍԴ նախագահի որևէ թեկնածու չկա առաջադրված։

Նշենք, որ այսօր` ժամը 15։30-ին, ՍԴ–ում նիստ է նախատեսված, որի ժամանակ էլ ՍԴ դատավորներն իրենց միջից նախագահ կընտրեն։ Այն դռնփակ է անցկացվելու, քանի որ դա ոչ թե դատարանի, այլ աշխատակարգային նիստ է։ Մամուլում լուրեր էին շրջանառվում, որ ՍԴ նորընտիր դատավորներից Երվանդ Խունդկարյանն է այդ պաշտոնը զբաղեցնելու։

«Որևէ այլ մեկնաբանություն չեմ տալու մինչև նիստի ավարտը»,–ասաց Գրիգորյանը։

Հարցին, թե Խունդկարյանի նախագահ դառնալու հարցը քննարկվե՞լ է` Գրիգորյանը պատասխանեց, որ ՍԴ դատավորների շրջանում նման հարց չի քննարկվել։

Նա նաև կանխավ չմեկնաբանեց ՍԴ նախկին նախագահ Հրայր Թովմասյանի ՍԴ նախագահի պաշտոնում կրկին ընտրվելու հնարավորությունը։ 

Նշենք, որ ՍԴ–ի մասին ՀՀ օրենքի 19-րդ հոդվածի համաձայն` ՍԴ նախագահ կարող է առաջադրվել ՍԴ 9 դատավորներից յուրաքանչյուրը, ընդ որում` ինչպես ինքնաառաջադրվելու, այնպես էլ գործընկերների կողմից առաջադրվելու կարգով։

Եթե առաջադրվի միայն մեկ թեկնածու, ապա ՍԴ նախագահ դառնալու համար նրան անհրաժեշտ կլինի հավաքել Սահմանադրական դատարանի դատավորների ընդհանուր ձայների մեծամասնությունը, տվյալ դեպքում` առնվազ 5 ձայն: Եթե առաջադրվի 2 և ավելի թեկնածու, ապա կհաղթի նա, ով կստանա ՍԴ դատավորների ընդհանուր թվի ձայների երկու երրորդը, տվյալ դեպքում`առնվազն 6 ձայն։

Գերագույն դատարան ստեղծելու հարցը կներառվի Սահմանադրական բարեփոխումների հայեցակարգում

Եթե առաջադրված թեկնածուներից ոչ ոք քվեարկության արդյունքում բավարար ձայներ չի ստանում, ապա հնգօրյա ժամկետում անցկացվում է ընտրության երկրորդ փուլ, որին մասնակցում են առաջին փուլում առավել ձայներ ստացած երկու թեկնածուները:

Սահմանադրական դատարանի նախագահն ու փոխնախագահն ընտրվում են վեց տարի ժամկետով` առանց վերընտրվելու իրավունքի:

«Հիմա դուք ասեք` ես ո՞ր իշխանության մարդն եմ». Երվանդ Խունդկարյանը կինքնաառաջադրվի՞

 

Ըստ թեմայի

ՍԴ նորընտիր դատավորներից 2–ը երդում տվեցին. 3–րդը նիստին չէր մասնակցում
ՍԴ դատավոր ընտրված Երվանդ Խունդկարյանը հրաժարվել է պաշտոնից
ՍԴ-ն Հրայր Թովմասյանի վերաբերյալ հայտարարություն է տարածել
թեգերը:
Հրայր Թովմասյան, Դատավոր, Սահմանադրական դատարան, Վահե Գրիգորյան

Գլխավոր թեմաներ