04:28 28 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44
Հայաստան
Ստանալ կարճ հղումը
Գագիկ Ծառուկյանի շուրջ ծավալված իրադարձությունները (132)
243 0 0

Երևանի ընդհանուր իրավասության դատարանի Կենտրոն և Նորք Մարաշ նստավայրում դռնփակ նիստում քննվում է Գագիկ Ծառուկյանին կալանավորելու միջնորդությունը։

ԵՐԵՎԱՆ, 25 սեպտեմբերի - Sputnik. Երևանի ընդհանուր իրավասության դատարանի բակում քիչ առաջ դիմակ չկրելու համար վիճաբանություն և քաշքշուկ տեղի ունեցավ ԲՀԿ առաջնորդ Գագիկ Ծառուկյանի կողմնակիցների ու ոստիկանների միջև։ Կան բերման ենթարկվածներ։

«Ոստիկանությունն իր օրինական գործողությունն իրականացնելիս օրենքով նախատեսված դեպքերում կարող է նաև կիրառել ուժ։ Դիմակ չկրելու համար սկսել են վիճաբանել ոստիկանության ծառայողների հետ և օրինական պահանջը չեն կատարել»,-լրագրողներին ասաց Երևան քաղաքի հասարակական կարգի ապահովման տեսուչ Լևոն Ղազարյանը։

Հիշեցնենք՝ վաղ առավոտից Երևանի ընդհանուր իրավասության դատարանի Կենտրոն և Նորք Մարաշ նստավայրում դռնփակ նիստում շարունակվում է Գագիկ Ծառուկյանին կալանավորելու միջնորդության քննությունը. միջնորդությունը ԱԱԾ-ն է ներկայացրել։

Փաստաբան Երեմ Սարգսյանը հայտնեց, որ ինքնաբացարկ են հայտնել դատավոր Մնացական Մարտիրոսյանին։

Դատարանի բակում արդեն մի քանի ժամ է՝ հավաքված են ԱԺ «Բարգավաճ Հայաստան» խմբակցության պատգամավորներն ու Ծառուկյանի աջակիցները։

«Պաշտոնատար անձինք անօրինական միջամտել են Գագիկ Ծառուկյանի դատաքննությանը». պաշտպան

ԱԱԾ-ն հունիսի 14-ին խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 16–ին ՀՀ Ազգային ժողովը փակ քվեարկություն անցկացրեց և համաձայնություն տվեց, որ ԲՀԿ առաջնորդ Գագիկ Ծառուկյանը զրկվի ազատությունից։

Հունիսի 30-ին պարզվեց, որ Ծառուկյանը կորոնավիրուսով է վարակվել։ Վերջին դատական նիստերին նա չէր գալիս։

Եթե իմանամ` ինձ ձերբակալելով ժողովրդի վիճակը կլավանա, հարց չկա, թող ձերբակալեն. Ծառուկյան

թեմա:
Գագիկ Ծառուկյանի շուրջ ծավալված իրադարձությունները (132)

Ըստ թեմայի

Գագիկ Ծառուկյանը տուժող է ճանաչվել բռնաբարությանը վերաբերող քրեական գործով
Կրկին քննվելու է Գագիկ Ծառուկյանին կալանավորելու վերաբերյալ ԱԱԾ քննիչի միջնորդությունը
Էլփոստով ծանուցել են, հեռախոսով` հիշեցրել, բայց Ծառուկյանն ու պաշտպանները դատին չեն գնացել
թեգերը:
դատ, Դատարան, բախումներ, Գագիկ Ծառուկյան

Գլխավոր թեմաներ