ԵՐԵՎԱՆ, 26 սեպտեմբերի – Sputnik. Ոստիկանության Նոր Նորքի բաժնի պետը և երեք օպերլիազոր ձերբակալվել են։ Տեղեկությունը հայտնում է Հատուկ քննչական ծառայությունը։
Ոստիկանները մեղադրվում են երկու քաղաքացու խոշտանգելու համար։ Ամեն ինչ սկսվել է կանանց միջև տեղի ունեցած վեճից։ Ոստիկանության Նոր Նորքի բաժնի քրեական հետախուզության բաժանմունքի օպերլիազոր Տ. Ա.-ի կինն անձնական բնույթի վեճ է ունեցել քաղաքացի Վլադիմիր Օհանյանի կնոջ հետ։ Դրանից հետո Օհանյանին և նրա ընկերոջը` Արմեն Ղազարյանին, ոստիկանները բերման են ենթարկել բաժին և ծեծել։ Օհանյանին ծեծել են օպերլիազորի կնոջ հետ վիճաբանելու, իսկ Ղազարյանին՝ իրենց հայհոյելու համար պատժելու նպատակով:
Նկարագրված դեպքից հետո Նոր Նորքի բաժնի պետն անհարկի միջամտել է Ղազարյանի դիմումի կապակցությամբ իրականացվող ծառայողական քննության ընթացքին, չարաշահելով իր լիազորությունները՝ կատարել վերջինիս կողմից բողոքից հրաժարվելուն ուղղված ապօրինի գործողություններ:
Մանկատան սաներին ծեծել են, հոգեկան տառապանք պատճառել․ 2 աշխատակից է ձերբակալվել
ՀՔԾ–ի նախապատրաստված նյութերի հիման վրա հարուցված քրեական գործի շրջանակում սեպտեմբերի 25-ին ձերբակալվել են Նոր Նորքի ոստիկանության չորս աշխատողներ, այդ թվում` ոստիկանապետը։ Ոստիկանապետի դեմ հարուցվել է քրեական գործ ՀՀ ՔՕ 308-րդ հոդվածի 1-ին մասով (պաշտոնեական լիազորությունները չարաշահելը). իսկ երեք օպերլիազորների` ՀՀ ՔՕ 309.1-րդ հոդվածի 2-րդ մասի 1-ին և 4-րդ կետերով (պաշտոնատար անձի կողմից բռնությունը)։
Քրեական գործով նախաքննությունը շարունակվում է:
Երևանում ռումբի մասին կեղծ հաղորդագրություններ տարածած տղամարդը ձերբակալվել է
