ԵՐԵՎԱՆ, 28 սեպտեմբերի - Sputnik. Արցախի տեղեկատվական շտաբը հայտնում է, որ այս պահի դրությամբ Արցախն ապահովված է պարենի անհրաժեշտ պաշարով։
«Օպերատիվ շտաբի գործունեության առանցքում է Պաշտպանության բանակին ու բնակչությանը պարենամթերքով և այլ պարագաներով ապահովումը։ Այս պահին պարենի անհրաժեշտ պաշարով Արցախն ապահոված է, սակայն, հաշվի առնելով մտահոգություններն ու աջակցելու անկեղծ մղումները օպերատիվ շտաբում գործում են հեռախոսահամարներ աջակցության համար»,-նշված է հաղորդագրության մեջ։
Պարենային աջակցության համար պետք է զանգահարել +374 97 22 05 50 ( Viber, WhatsApp), ոչ պարենային օժանդակությունների համար՝ +374 47 94 84 35, իսկ բժշկական պարագաների տրամադրման դեպքում ՝ +374 47 94 35 65 հեռախոսահամարներով։
Նշենք, որ սոցցանցերում բազմաթիվ օգտատերեր գրում են, որ պատրաստ են իրենց տանը հյուրընկալել արցախցի ընտանիքների, սակայն պաշտոնապես հայտարարվել է` նման քայլի անհրաժեշտություն դեռ չկա։
Հիշեցնենք` սեպտեմբերի 27-ին ՀՀ կառավարության որոշմամբ, Հայաստանի ողջ տարածքում հայտարարվել է ռազմական դրություն` պայմանավորված Արցախում ու Հայաստանի սահմանների նկատմամբ Ադրբեջանի ձեռնարկած հարձակումներով։
Ազատ գյուղում տեղահանում չկա, Սոթք–Քարվաճառը կարող են հատել միայն ռազմական միավորները
Սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Վերջին տեղեկությունների համաձայն` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։
Ադրբեջանը պետք է իմանա, որ իր դիմաց կանգնած է բանակի վերածված ողջ հայությունը. Արամ Ա
Հակառակորդի կրակոցների հետևանքով զոհվել են 31 զինծառայողներ և 2 քաղաքացիական անձինք։ Հայկական կողմը 200 վիրավոր ունի։
Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։