21:02 30 հոկտեմբերի 2020
Ուղիղ եթեր
  • USD493.60
  • GBP639.46
  • EUR576.08
  • RUB6.24
Հայաստան
Ստանալ կարճ հղումը
Ադրբեջանական ագրեսիան Արցախում - 2020 (1829)
210 0 0

Որպես Արցախից վիրավորների տարհանման միջանկյալ կետ այս պահին ծառայում է Գորիսի բուժկենտրոնը։

ԵՐԵՎԱՆ, 29 սեպտեմբերի - Sputnik. ՀՀ առողջապահության նախարար Արսեն Թորոսյանը և նախարարի տեղակալ Արտյոմ Սմբատյանը մեկնել են Վարդենիս: Տեղեկությունը հայտնում է Առողջապահության նախարարության մամուլի ծառայությունը։

«Նրանք Գեղարքունիքի մարզպետ Գնել Սանոսյանի հետ տեղում դիտարկում են վիրավորների միջանկյալ տարհանման 2-րդ կետի կազմակերպչական աշխատանքները»,- նշված է հաղորդագրության մեջ:

Նշենք, որ Գորիսի բժշկական կենտրոնն այս պահին ծառայում է որպես վիրավորների միջանկյալ տարհանման կետ: Տարհանումն իրականացվում է շտապօգնության մեքենաներով, ռեանիմոբիլներով, նաև սանիտարական ավիացիայի 2 ուղղաթիռով:

Գորիսի բժշկական կենտրոն են գործուղվել մասնագետներ մայրաքաղաքից։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Министр здравоохранения Арсен Торосян в больнице в Варденисе (29 сентября 2020).
Արսեն Թորոսյանը Վարդենիսում է

Ըստ վերջին տեղեկությունների` Ադրբեջանը զրկվել է նաև 49 ԱԹՍ–ից, 4 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

թեմա:
Ադրբեջանական ագրեսիան Արցախում - 2020 (1829)

Ըստ թեմայի

Ադրբեջանական օդուժի կորուստները. ՊՆ-ն լուսանկարներ է հրապարակել
Այստեղ պետք չէ բացատրել՝ ով է Էրդողանը և ինչ է ուզում անել Արցախում. սիրիացի պատգամավոր
Ինչ կորուստներ ունի Ադրբեջանը
թեգերը:
Ղարաբաղյան հակամարտություն, Լեռնային Ղարաբաղ, Արցախ, Վիրավոր, հիվանդանոց, Արսեն Թորոսյան, Վարդենիս

Գլխավոր թեմաներ