04:38 27 հոկտեմբերի 2020
Ուղիղ եթեր
  • USD493.24
  • GBP643.48
  • EUR582.42
  • RUB6.45
Հայաստան
Ստանալ կարճ հղումը
36310

Ջոկատի մարտիկները հիմնականում 90- ականներին կռված տղաներն են՝ արդեն սպիտակած մազերով: Ապրիլյանին էլ գնացին ու իրենց ներկայությամբ ուժ տվեցին տղաներին:

ԵՐԵՎԱՆ, 1 հոկտեմբերի – Sputnik. Գյումրու Սարգսյան փողոցի սկզբնամասից մինչև վերջ ձգվող ավտոշարասյունը ավարտվում էր ԵԿՄ Շիրակի մարզային կառույցի մոտ, որի բակում հավաքվածներն իրենց ղեկավարից վերջին հրահանգներն էին ստանում. շիրակցի երկապահներն են, գնում են Արցախ:

Сборы добровольцев Еркрапа в Гюмри (1 октября 2020). Ширак
© Sputnik / Armenuhi Mkhoyan
Գյումրեցի կամավորները

Շիրակի ԵԿՄ կառույցի առաջնորդ Յուրա Ալեքսանյանը վերջին հրահանգներն է տալիս իր զինակիցներին. «Պահեք  կարգ ու կանոն, ավելորդ իրեր հետներդ չվերցնեք, ճանապարհին հեռախոս չօգատործեք, ամեն հարցում լսեք ձեր հրամանատարներին»:

Քիչ այն կողմ 16-17 տարեկան տղաներ էին: Մոտեցանք ու հարցրեցինք` ո՞ւմ են եկել ճանապարհելու: Պարզվեց՝  պապիկին՝ 68-ամյա Վոլոդյա Խաչատրյանին:

«Գնում ենք, որ հաղթանակ բերենք, միայն ու միայն հաղթանակ»,-ասում է Վոլոդյա Խաչատրյանը: Թոռնիկները հաջորդ տարի են բանակ գնալու, ասում են՝ պապիկի պես խիզախ են լինելու: Վստահ են՝ պապը հաղթանակած է վերադառնալու:

Ջոկատի մարտիկները հիմնականում 90- ականներին կռված տղաներն են՝ արդեն սպիտակած մազերով: Ապրիլյանին էլ գնացին ու իրենց ներկայությամբ ուժ տվեցին տղաներին: Իրենց տարիքից չեն ընկճվում ասում են՝ ավելի վատ թուրքի համար.  «Պատկերացրե՛ք, «ծերուկներով» գնացինք իրենց համար ավելի վատ է լինելու, մեծ մասս արդեն մեր հողի համար կռված ենք, գնանք, որ 18 տարեկանների թիկունքը պաշտպանենք»:

Председатель Ширакского отделения союза добровольцев Еркрапа Юра Алексанян во время сборов добровольцев союза в Гюмри (1 октября 2020). Ширак
© Sputnik / Armenuhi Mkhoyan
Գյումրեցի կամավորները

Սա Արցախ գնացող երկրապահների առաջին խումբն է, շատերը դեռ սպասում են։ Ու մինչ իրենց մեկնելու հերթը չհասնի, կառույցի բակից տուն չեն գնալու:

Ըստ թեմայի

Արցախից վիրավորների տեղափոխումը կազմակերպվում է աննախադեպ արագությամբ. մանրամասներ
Բոլորը չէ, որ կարող են Արցախ գնալ. անցակետեր են տեղակայվել
Ադրբեջանական կողմում հայտնված հայ զինծառայողների դիակները վտանգի տակ են. Արցախի ՄԻՊ
թեգերը:
թոռ, պապիկ, Ղարաբաղյան հակամարտություն, Լեռնային Ղարաբաղ, Արցախ, Երկրապահ կամավորական միություն (ԵԿՄ), Գյումրի

Գլխավոր թեմաներ