00:01 21 հոկտեմբերի 2020
Ուղիղ եթեր
  • USD493.33
  • GBP639.50
  • EUR582.43
  • RUB6.33
Հայաստան
Ստանալ կարճ հղումը
255 0 0

«Հայաստան» համահայկական հիմնադրամով արդեն ավելի քան 38 միլիոն ԱՄՆ դոլար է հավաքվել պատերազմից տուժած Արցախի համար։

ԵՐԵՎԱՆ, 5 հոկտեմբերի – Sputnik. «Ավրորա» միջազգային մրցանակի հիմնադիրները մտադիր են մեկ միլիոն դոլար փոխանցել «Հայաստան» համահայկական հիմնադրամին։ Նրանք նաև մեկ միլիոն դոլարի հիմնադրամ կստեղծեն՝ պատերազմից տուժած երեխաներին օգնելու համար։

Տեղեկությունն իր Facebook-ի էջում հայտնել է գործարար, «Ավրորա» մրցանակի համահիմնադիր Ռուբեն Վարդանյանը։

«Ավրորա» մարդասիրական նախաձեռնության հիմնադիրներ Նուբար Աֆեյանը, Վարդան Գրեգորյանը և Ռուբեն Վարդանյանը հայտարարել են $2 մլն օժանդակություն տրամադրելու իրենց հանձնառության մասին՝ Հայաստանի եւ Արցախի անմիջական կարիքները հոգալու եւ հայկական երկու հանրապետությունների՝ պատերազմից տուժած երիտասարդ սերնդի կրթական եւ այլ կարիքների ֆինանսավորումն ապահովելու համար», - նշված է հաղորդագրության մեջ։

Նշված է, որ բարերարները խորապես մտահոգված են Արցախի դեմ սանձազերծված լայնամասշտաբ հարձակումով եւ տարածաշրջանում զինված հակամարտության բռնկումով: Ադրբեջանի կողմից Թուրքիայի աջակցությամբ իրականացված այս ուժգին հարձակումը միջազգային իրավունքի կոպիտ խախտում է:

 «Մենք խստորեն դատապարտում ենք բռնության հրահրումը՝  խոշոր տրամաչափի զենքերով խաղաղ բնակչության թիրախավորումը եւ հարձակումը քաղաքացիական ենթակառուցվածքների վրա», - նշված է «Ավրորայի» համահիմնադիրների հայտարարության մեջ։

«Հայաստան» համահայկական հիմնադրամի ղեկավար Հայկակ Արշամյանը Facebook-ի էջում իր հերթին գրել է, որ Manoogian Simone Foundation հիմնարդամի նախագահ Կրիստինա Սիմոնն արդեն երեք միլիոն դոլար է փոխանցել «Հայաստան» հիմնադրամին։

Հոկտեմբերի 5-ի 14:00 տվյալներով՝ դրամահավաքի հայտարարման պահից սկսած արդեն ավելի քան 38 միլիոն դոլար է հավաքվել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 5-ի ժ. 13։00-ի դրությամբ` հակառակորդի կրակոցների հետևանքով զոհվել են 223 զինծառայողներ և 18 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։ 

Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

Ըստ թեմայի

Ադրբեջանը Արցախի խաղաղ բնավայրերի նկատմամբ արգելված մարտագլխիկներով հրթիռներ է կիրառում
Ձեռք չտալ. Արցախի տարածքում մնացել են չպայթած կասետային ռումբեր. լուսանկարներ
Գորիսում Արցախից եկած բնակիչները ոչնչի կարիք չունեն, միայն կարոտն է խեղդում. տեսանյութ
թեգերը:
«Հայաստան» համահայկական հիմնադրամ, Արցախ, Ռուբեն Վարդանյան, Ավրորա

Գլխավոր թեմաներ