08:10 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հայաստան
Ստանալ կարճ հղումը
Ադրբեջանական ագրեսիան Արցախում - 2020 (2212)
457 0 0

Խորհրդային Միությունից ռադիացիոն ապաստարաններ են մնացել, որոնք իրենց ամրությամբ գերազանցում են ռմբապաստարաններին։ Այժմ անհրաժեշտ է ստուգել դրանց վիճակն ու ստանդարտներ ընդունել նոր ապաստարանների համար։

ԵՐԵՎԱՆ, 5 հոկտեմբերի – Sputnik. Հայաստանում հիմա ակտիվ քննարկվում է ապաստարանների պատրաստ լինելու հարցը։ Sputnik Արմենիային ասաց «Հայնախագիծ» ԲԲԸ տնօրեն Գրիգոր Ազիզյանը։

Խորհրդային ժամանակաշրջանում բնակչությանը միջուկայի պատերազմից պաշտպանելու համար պատրաստվում էին դեռ մինչև Կարիբյան ճգնաժամը`60-ականների սկիզբը։ Սակայն ռադիացիոն ապաստարանները շարունակվել են կառուցվել ընդհուպ մինչև ԽՍՀՄ գոյության ամենավերջին տարիները։ Ընդ որում, կառուցում էին դրանք ավելի մեծ նախագծային հզորությամբ, քան սովորական ռմբապաստարաններն են։

«Կային և՛ առանձին ապաստարաններ, և՛ շենքերում ներկառուցած։ Վերջինները կարող էին կիրառել նաև շենքը փլուզվելու դեպքում։ Եվ 1988 թվականի Սպիտակի երկրաշարժի ժամանակ այդ ապաստարաններից մի քանիսն իսկապես կանգուն մնացին», – ընդգծեց նա։

«Խորհրդային Միությունից հետո որոշ ժամանակ նույնպես ռմբապաստարաններ կառուցվում էին։ Այսօր այդ հարցը կրկին քննարկվում է, այդ պատճառով դիտարկվում են նաև դրանց շինարարական նորմերը», – ընդգծեց Ազիզյանը։

Նա ընդգծեց, որ նման նորմատիվներ կան ամբողջ աշխարհում, այդ թվում Ռուսաստանում, դրանք պարզապես պետք է հարմարեցնել տեղական պայմաններին։

Զոհվում են անմեղ մարդիկ. ՄԱԿ-ը կոչ է արել դադարեցնել կրակը ԼՂ հակամարտության գոտում

Առաջիկայում հանրապետության ճարտարապետները այդ հարցը կքննարկեն ԱԻՆ–ի հետ։

Ինչպես Sputnik Արմենիային տեղեկացրին Երևանի քաղաքապետարանի մամուլի ծառայությունից, մայրաքաղաքի իշխանություններն ապաստարանների հարցը վերահսկողության տակ են պահում և հետևում դրանց վիճակին։

Ավելի վաղ ԱԻ նախարար Ֆելիքս Ցոլակյանը հայտարարել էր, որ ներկա պահին Հայաստանում օդային տագնապի անհրաժեշտություն չկա։  Սակայն եթե այն առաջանա, ազդանշանը ոչ թե փորձնական, այլ իրական կլինի։ Գերատեսչությունում նաև ներկայացրել էին, թե որտեղ քաղաքացիները կարող են թաքնվել օդային տագնապի դեպքում։

թեմա:
Ադրբեջանական ագրեսիան Արցախում - 2020 (2212)

Ըստ թեմայի

Փաշինյանը զանգել է Պուտինին. քննարկվել է ԼՂ հակամարտության խնդիրը
Վստահ եմ՝ ՌԴ-ն տարածաշրջանային անվտանգության ապահովման գործում իր դերը կկատարի. Միրզոյան
ՌԴ–ի, Ֆրանսիայի և ԱՄՆ–ի արտգործնախարարներն Արցախի մասին համատեղ հայտարարությունն են արել
Ինչպես է խոցվում հակառակորդի հերթական տանկը. տեսանյութ
թեգերը:
ապաստարան, Հայաստան, Ղարաբաղյան հակամարտություն, Լեռնային Ղարաբաղ, Արցախ

Գլխավոր թեմաներ