08:11 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հայաստան
Ստանալ կարճ հղումը
183 0 0

Օրենքում փոփոխություններ կատարելու մասին նախագծով գործադիրն առաջարկում է փոփոխել հանրապետությունում հաստատված ու այժմ գործող զորահավաքային պլանը։

ԵՐԵՎԱՆ, 7 հոկտեմբերի – Sputnik. Ազգային ժողովը երկրորդ ընթերցմամբ ընդունեց «Պաշտպանության մասին ՀՀ օրենքում լրացում կատարելու» մասին օրենքի նախագիծը։ Այն ընդունվեց միաձայն` 87 կողմ ձայնով։

ԱԺ նախագահ Արարատ Միրզոյանը մինչ նիստը սկսելը, ասաց, որ լույսը բարի է, բայց աշխատանքները կսկսեն լռության րոպեով։

Պաշտպանության փոխնախարար Գաբրիել Բալայանը հայտնեց, որ նախագծով առաջարկվում է պաշտպանության ոլորտում կառավարության լիազորությունների շարքում ներառել նաև հանրապետության զորահավաքային պլանը հաստատելու իրավասությունը: ԱԺ–ի երեկվա նիստում նա ասել էր, որ սա առավել արդիական է՝ հատկապես Ադրբեջանի և Թուրքիայի սանձազերծած ռազմական գործողությունների և Հայաստանում հայտարարված ռազմական դրության պայմաններում:

«Ներկայումս գործում է հանրապետության նախագահի հրամանագրով հաստատված պլանը, որը հնարավորություն չունի փոփոխության ենթարկվելու Սահմանադրության փոփոխությունից հետո»,–ասաց նա։

Ըստ այդմ` օրենքի փոփոխությունից հետո զորահավաքային պլանի հաստատումը կերապահվի ՀՀ կառավարությանը։

Բալայանը հայտնեց նաև, որ այժմ ՊՆ–ում գործող «թեժ գծին» (1-28) ավելացել են ևս երկուսը` 85-01 և 85-03։

Փաշինյանը մարտակոչով դիմեց վերջին մեկ տարվա ընթացքում բանակից զորացրված տղաներին

թեգերը:
Գաբրիել Բալայան, ԱԺ, Հայաստան

Գլխավոր թեմաներ