00:22 21 հոկտեմբերի 2020
Ուղիղ եթեր
  • USD493.33
  • GBP639.50
  • EUR582.43
  • RUB6.33
Հայաստան
Ստանալ կարճ հղումը
Գագիկ Ծառուկյանի շուրջ ծավալված իրադարձությունները (130)
32810

Ծառուկյանի պաշտպանական խումբը ՀՀ ԱԱԾ-ում քննվող քրեական գործով իրականացվող ակնհայտ անօրինականությունների վերաբերյալ տեղեկացրել էր ՀՀ մարդու իրավունքների պաշտպանին։

ԵՐԵՎԱՆ, 13 հոկտեմբերի — Sputnik. ՀՀ Մարդու իրավունքների պաշտպան Արման Թաթոյանն այցելել է ՀՀ ԱՆ «Երևան-Կենտրոն» քրեակատարողական հիմնարկ և տեսակցել ԲՀԿ առաջնորդ Գագիկ Ծառուկյանին։ Տեղեկությունը Facebook-ի իր էջում հայտնել է Ծառուկյանի պաշտպան Երեմ Սարգսյանը։

Մինչ այդ Ծառուկյանի պաշտպանական խումբը ՀՀ ԱԱԾ-ում քննվող քրեական գործով նրա նկատմամբ իրականացվող ակնհայտ անօրինականությունների վերաբերյալ տեղեկացրել էր նաև ՀՀ մարդու իրավունքների պաշտպանին։

«ՄԻՊ–ը բարձրաձայնված անօրինականությունների կապակցությամբ գրավոր դիմել է ՀՀ գլխավոր դատախազին, որպեսզի օրենքով դատախազությանը վերապահված իրավասության շրջանակում քննարկման առարկա դարձվեն գրության մեջ ներկայացված բոլոր հանգամանքները, այդ թվում՝ ընտրված խափանման միջոցի հիմնավորվածության հարցը»,–գրել է փաստաբանը։

Նա նաև տեղեկացրել է, որ ՀՀ գլխավոր դատախազությունից դեռևս պատասխան չի ստացվել։

Հիշեցնենք, Գագիկ Ծառուկյանը կալանքի տակ է սեպտեմբերի 25-ից։ Հունիսի 14-ին ԱԱԾ–ն խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել` ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Գագիկ Ծառուկյանը կմնա կալանքի տակ. դատարանը հրապարակեց որոշումը

Հունիսի 16–ին ՀՀ Ազգային ժողովը փակ քվեարկություն անցկացրեց և համաձայնություն տվեց, որ ԲՀԿ առաջնորդ Գագիկ Ծառուկյանը զրկվի ազատությունից։ Սեպտեմբերի 25-ին Երևանի ընդհանուր իրավասության դատարանը բավարարեց Ծառուկյանին կալանավորելու` ԱԱԾ միջնորդությունը։

թեմա:
Գագիկ Ծառուկյանի շուրջ ծավալված իրադարձությունները (130)

Ըստ թեմայի

Գագիկ Ծառուկյանը խցում մենակ է. պաշտպանը մանրամասներ է հայտնում նրա մասին
Գագիկ Ծառուկյանի կալանքի միջնորդությունը մերժած դատավորի նկատմամբ վարույթ կհարուցվի՞
«Ծառուկյանը քաղբանտարկյալ է». ՀՅԴ–ն ու «Հայրենիքը» միանման հայտարարություններ են տարածել
թեգերը:
կալանավոր, ՀՀ ՄԻՊ, Արման Թաթոյան, Գագիկ Ծառուկյան

Գլխավոր թեմաներ