05:22 22 հոկտեմբերի 2020
Ուղիղ եթեր
  • USD494.37
  • GBP645.35
  • EUR585.48
  • RUB6.41
Հայաստան
Ստանալ կարճ հղումը
187400

Ադրբեջանի կողմից ՀՀ տարածքում մարտական հրթիռային համակարգի թիրախավորումը լեգիտիմացնում է ՀՀ կողմից պատասխան քայլերը"

ԵՐԵՎԱՆ, 14 հոկտեմբերի – Sputnik. Այսօրվա ընթացքում Հայաստանի տարածքում Ադրբեջանը թիրախավորվել է մարտական հերթապահության մեջ գտնվող հրթիռային համակարգը։ Այս մասին այսօր ճեպազրույցում հայտնեց ՀՀ ՊՆ ներկայացուցիչ Արծրուն Հովհաննիսյանը։

«Օրվա ընթացքում Ադրբեջանը տեղանքի մասին խոսելիս նախ նշում էր ՀՀ տարածքը, ապա Քարվաճառը, հետո Հայաստանի սահմանը, հետո Հայաստանը։ Կարծես աշխարհագրության խնդիր ունեն։ Թիրախավորվել է մարտական հերթապահության մեջ գտնվող հրթիռային համակարգը, ինչը լեգիտիմացնում է ՀՀ–ի կողմից պատասխան քայլերը և նմանատիպ մարտական թիրախների թիրախավորումը Ադրբեջանի տարածքում»,– ասաց նա։

Հովհաննիսյանն անդրադարձավ նաև Մարտակերտի հիվանդանոցի թիրախավորմանը և հայտարարեց, որ այն մեծ արձագանք պիտի ստանա աշխարհում։

«Պետք է տեսնեն, թե ինչպես են բուժհիմնարկները ևս թիրախավորվում, թեև մեզ համար դա զարմանալի չէ։ Մենք տեսել ենք դա իրենց կողմից մի քանի անգամ։ Եթե թիրախավորվում է եկեղեցին, կթիրախավորվի նաև հիվանդանոցը»,– ասաց Հովհաննիսյանը։

Հիշեցնենք` ՀՀ ՊՆ–ն այսօր առավոտյան հայտնեց, որ Ադրբեջանի զինված ուժերը հոկտեմբերի 14-ին հարված են հասցրել Հայաստանի Հանրապետության տարածքում՝ Քարվաճառի (Քելբաջար) մոտ մարտական հերթապահություն իրականացնող տեխնիկային։

Ադրբեջանի պաշտպանության նախարարությունը հաստատեց հարվածի փաստը` նշելով, որ ժամը 08.36-ին Հայաստանի սահմանամերձ շրջանում՝ Քելբաջարի շրջանի մոտ, հրթիռային համակարգ է ոչնչացվել։ Հարվածը հասցվել է լոկ այն պատճառով, որ տեխնիկան իբր «պատրաստ է եղել հարվածել Ադրբեջանի խաղաղ բնակավայրերին»

ՀՀ պաշտպանության նախարարությունը հարվածից հետո հայտարարություն տարածեց` վստահեցնելով, որ մինչև այդ պահը ՀՀ տարածքից որևէ հրթիռ, արկ կամ գնդակ չի արձակվել Ադրբեջանի ուղղությամբ, բայց այսուհետ ՀՀ ԶՈւ–ն իրեն իրավունք է վերապահում թիրախավորել Ադրբեջանի տարածքում գտնվող ցանկացած ռազմական օբյեկտ կամ ռազմական տեղաշարժ։

Ըստ թեմայի

Գեղարքունիքում ադրբեջանական ԱԹՍ–ի հարվածից վիրավորված երեխայի վիճակը ծանր է
Ադրբեջանը հարվածում է Մարտակերտին. տեսանյութ, որը նկարահանվել է գնդակոծության պահին
Երևանն օգնության համար չի դիմել ՀԱՊԿ-ին՝ Հայաստանի տարածքին հարված հասցնելու առնչությամբ
թեգերը:
Արծրուն Հովհաննիսյան, Ադրբեջան, Հայաստան

Գլխավոր թեմաներ