09:17 25 փետրվարի 2021
Ուղիղ եթեր
  • USD526.45
  • GBP745.61
  • EUR640.37
  • RUB7.16

«Հայաստան» համահայկական հիմնադրամը նոր շարժում է սկսում. ինչ նպատակ է այն հետապնդում

Հայաստան
Ստանալ կարճ հղումը
39910

«Հայաստան» համահայկական հիմնադրամի ավանդական հեռուստամարաթոնն այս տարի անցկացվելու է նոյեմբերի 26-ին։

ԵՐԵՎԱՆ, 21 հոկտեմբերի — Sputnik. «Հայաստան» համահայկական հիմնադրամն առաջիկայում նոր շարժում է մեկնարկելու, որը կրելու է «50+» անվանումը։ Այս մասին այսօր հրավիրված ճեպազրույցում հայտնեց հիմնադրամի տնօրեն Հայկակ Արշամյանը։

«50–ը պայմանական թիվ է։ Սկզբունքը հետևյալն է` 50 + 50 +50 և այսպես շարունակ»,– ասաց տնօրենը։

Նրա խոսքով` այս նոր շարժումը թույլ կտա նոր մակարդակի բարձրացնել Հայաստան–սփյուռք հարաբերությունները, և համահայկական միջոցների կայուն ներհոսք ապահովել Հայաստան և Արցախ։

Նոր համակարգը թույլ է տալու նվիրատուներին գրանցվել հիմնադրամի կայքում ու ամեն ամիս որոշակի կայուն գումար փոխանցել։

«Ուղղակի պատկերացրեք, որ եթե այս շարժմանը միանա, օրինակ, 1 մլն մարդ, ու ամեն ամիս յուրաքանչյուրը, օրինակ, 50 դոլար փոխանցի, ապա ամեն ամիս հիմնադրամը կայուն 50 մլն դոլար գումար կունենա»,– ասաց Արշամյանը։

Խոսելով հիմնադրամին արդեն փոխանցված միջոցների մասին` Արշամյանը նաև հայտնեց, որ «Հայաստան» համահայկական հիմնադրամին նվիրաբերված միջոցներն օգտագործվում են հումանիտար օգնությունների նպատակով, գործընթացը վերահսկվում է ՀՀ և ԱՀ կառավարությունների կողմից։

Սպիվակովն առաջիկա համերգի հոնորարը փոխանցել է Արցախի երեխաների օգնության հիմնադրամին

«Ուզում եմ ասել, որ ռազմական դրությամբ պայմանավորված`թեկուզ մեկ դեղահաբի մասին տեղեկատվություն հրապարակելն ընդունելի չէ և կարող է վնասել ընդհանուր գործին»,– ասաց նա` խոստանալով հիմնադրամի ծախսերի մասին ամբողջական հաշվետվությունը հրապարակել պատերազմի ավարտից հետո։

Ավարտելով ելույթը` հիմնադրամի տնօրենը հայտնեց, որ այս տարի «Հայաստան» համահայկական հիմնադրամի ավանդական հեռուստամարաթոնն անցկացվելու է նոյեմբերի 26-ին։

Նարինե Աբգարյանն իր նոր գրքի համար ստացած կանխավճարը փոխանցել է «Հայաստան» հիմնադրամին

Նշենք, որ պատերազմի առաջին օրերին «Հայաստան» համահայկական հիմնադրամը դրամահավաք սկսեց` ի նպաստ Արցախի։ Դրան մասնակցում են աշխարհի տարբեր երկրներում ապրող հայերը և ոչ միայն նրանք։ Հոկտեմբերի 21–ի դրությամբ հավաքվել էր 137 միլիոն դրամից ավելի գումար։

Ըստ թեմայի

Հույները 100 հազար դոլար են փոխանցել «Հայաստան» հիմնադրամին ու տապալել ադրբեջանական կայքը
Հարկատուներից շատերն այս տարի չեն վճարել զինծառայողների հիմնադրամի 1000 դրամները
Տարեց զույգը մորթել ու վաճառել է կովն ու գումարը փոխանցել զինծառայողների հիմնադրամին
թեգերը:
նվիրատու, փող, Հայաստան, Սփյուռք, «Հայաստան» համահայկական հիմնադրամ

Գլխավոր թեմաներ