06:17 01 դեկտեմբերի 2020
Ուղիղ եթեր
  • USD506.40
  • GBP674.68
  • EUR606.82
  • RUB6.65
Հայաստան
Ստանալ կարճ հղումը
465 0 0

Թուրքիայից Հայաստան 875 տեսակի ապրանք է ներկրվում։ Տնտեսագետն ասում է` գոնե երկու տարի է պետք այդքանը տեղական արտադրությամբ փոխարինելու համար։

ԵՐԵՎԱՆ, 28 հոկտեմբերի - Sputnik. Տարիներ շարունակ թուրքական ապրանքները արտոնություններ են ունեցել։ Տնտեսագետ, ԱԺ նախկին պատգամավոր Վահագն Խաչատրյանն այսպսի համոզմունք հայտնեց Sputnik Արմենիայի մամուլի ակումբի կենտրոնում։

Ваагн Хачатрян на пресс-конференции – Первоочередные задачи нынешних властей Еревана. Год спустя (22 июля 2019). Еревaн
© Sputnik / Aram Nersesyan
Վահագն խաչատրյան

«Հնարավոր է նաև, որ առանց իմանալու` Թուրքայից ապրանքներ ներկրողները ներգրավված են եղել կոռուպցիոն գործընթացների մեջ։ Պետական մակարդակով մաքսային և այլ տիպի արտոնություններ են եղել Թուրքիայից ներկրվող ապրանքների համար, չինովնիկական ապարատը դա ակտիվ օգտագործել է։ Հենց այդ արտոնություններն են պատճառը, որ Հայաստանը տարեկան մոտ 250 մլն դոլարի ապրանք է ներկրել Թուրքիայից», – ասում է Խաչատրյանը։

Ի՞նչ է LC Waikiki–ն՝ պարզապես լավ գովազդային արշավ. ինչպես ազատվել թուրքական ապրանքից

Նրա խոսքով` եթե այդ արտոնությունները չլինեին, այլ երկրներից նույնպես մեծ քանակությամբ ապրանքներ կներկվեին։ Անդրադառնալով 2020-ի դեկտեմբերի 31-ից թուրքական ապրանքների ներմուծման արգելքին` տնտեսագետը շեշտեց, որ դա քաղաքական, ոչ թե տնտեսական որոշում է։

«Արձանագրենք, որ Հայաստանը երբևէ պետական սահմանափակումներ չի կիրառել Թուրքիայից ապրանքների նկատմամբ, չնայած որ երկու երկրների միջև պաշտոնական տնտեսություն չի վարվում։ Ըստ այդմ` թուրքական ապրանքների ներկրման արգելքի որոշումը բացառապես քաղաքական է, տնտեսական որևէ հիմնավորում չկա», – ասում է տնտեսագետը։

Թուրքիայից Հայաստան 875 տեսակի ապրանք է ներկրվում։ Տնտեսագետն ասում է, որ այդքանը տեղական արտադրությամբ փոխարինելու համար առնվազն երկու տարի ժամանակ է պետք։

Հիշեցնենք, որ սեպտեմբերի 27-ից Արցախի դեմ թուրք–ադրբեջանական ու ահաբեկչական ուժերի սանձազերծված պատերազմի առաջին իսկ օրերից հայաստանյան սպառողներն ու խոշոր առևտրի ցանցերն արշավ սկսեցին թուրքական ապրանքների վաճառքի դեմ։

Ի պատասխան հանրային դժգոհության` ՀՀ էկոնոմիկայի նախարարությունը համապատասխան որոշման նախագիծ ներկայացրեց հանրային քննարկման։ Իսկ հոկտեմբերի 20-ին այն արդեն ընդունվեց ՀՀ կառավարության կողմից։

Նշենք, որ 2019 թվականին Թուրքիայից Հայաստանի Հանրապետություն ներմուծումն ըստ ծագման երկրի հատկանիշի կազմել է 268.1 մլն ԱՄՆ դոլար։

Ինքնասիրության հարց է. առևտրային ցանցերը հրաժարվում են թուրքական ապրանք վաճառելուց

Թուրքիայից մեր երկիր հիմնականում ներմուծվում է hագուստ (69.4 մլն դոլար), ցիտրուսային մրգեր (10.3 մլն դոլար), մեքենաներ, սարքավորումներ և մեխանիզմներ` էլեկտրական ջեռուցիչ, սառնարան (35.3 մլն դոլար), նավթ և նավթամթերք (24.3 մլն դոլար), քիմիայի և դրա հետ կապված արդյունաբերության ճյուղերի արտադրանք (23.6 մլն դոլար), ոչ թանկարժեք մետաղներ և դրանցից պատրաստված իրեր (21.6 մլն դոլար)։

Ըստ թեմայի

Մելքոնյան. «Շարունակվում է թուրքական իշխանության «դաբրոների» ոճին հավատարիմ մնալը»
Հայկական դրամը դիմադրել է COVID-ին և պատերազմին, իսկ թուրքական լիրան՝ ոչ․ որն է պատճառը
Ի՞նչ հետևանք կունենա թուրքական ապրանքների ներկրման արգելքը ՀՀ տնտեսության վրա
թեգերը:
տնտեսություն, Թուրքիա, Վահագն Խաչատրյան

Գլխավոր թեմաներ