11:29 30 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հայաստան
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (565)
298 0 0

Երևանի Ազատության հրապարակում հազարավոր մարդիկ են հավաքվել, որոնք բողոքում են Արցախի վերաբերյալ ստորագրված հայտարարության մասով։

ԵՐԵՎԱՆ, 11 նոյեմբերի – Sputnik. Ազատության հրապարակ եկած մարդկանցից շատերին հաջողվեց մտնել հրապարակ, չնայած ոստիկանության դիմադրությանը։

Նշենք, որ այնտեղ 17 կուսակցությունները հանրահավաք են անում, իսկ բողոքի պատճառը վարչապետ Նիկոլ Փաշինյանի` պատերազմն ավարտելու մասին հայտարարության տակ ստորագրելն է։ Ոստիկանները բերման են ենթարկում մարդկանց, սակայն Ազատության հրապարակում արդեն հազարավոր մարդիկ են հավաքվել։

«Տղե՛րք, խելքի եկեք, դուք չեք ծառայում դավաճաններին։ Դուք ծառայում եք ՀՀ–ին և Արցախին։ Տղերք, մի՛ դարձեք թուրքերի հետ համագործակցողներ»,–ասաց «Հայրենիք» կուսակցության ղեկավար Արթուր Վանեցյանը` դիմելով ոստիկաններին։

«Վարչապետն այդ որոշումը կայացրել է իմ առաջարկությամբ»․ ՀՀ ԶՈւ գլխավոր շտաբի պետ

ԲՀԿ–ական պատգամավոր Արման Աբովյանն էլ իր հերթին ասաց, որ չպետք է վիզներս ծուռ ապրենք։

«Մենք օտարի մոտ էլ վիզ չենք ծռել, մի՞թե սրանց մոտ պետք է մեր վիզը ծռենք»,–ասաց նա։

Ազատության հրապարակում իրավիճակն այս պահին բավական լարված է. ոստիկանները պատ են կազմում ցույցի կազմակերպիչների և քաղաքացիների միջև։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար ծանր, չափազանց ծանր որոշում է կայացրել:

Նա նշել էր, որ Ռուսաստանի և Ադրբեջանի նախագահների հետ ղարաբաղյան պատերազմը նոյեմբերի 10-ի ժամը 01.00-ից դադարեցնելու հայտարարություն է ստորագրել, շեշտելով, որ այդ որոշումը կայացրել է ռազմական իրադրության խորը վերլուծության և այդ իրադրությանն ամենալավ տիրապետող մարդկանց գնահատականի արդյունքում, նաև հիմնվելով այն համոզմունքի վրա, որ ստեղծված իրավիճակում սա հնարավոր ամենալավ հանգուցալուծումն է:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Կրակը դադարեցվում է. ինչի տակ են ստորագրել Փաշինյանը, Պուտինն ու Ալիևը

Նոյեմբերի 10-ի ժամը 13։30-ի դրությամբ` հայկական կողմից զոհվել են 1302 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ

թեմա:
Իրադրությունը Հայաստանում և Արցախում հայտարարության ստորագրումից հետո (565)

Ըստ թեմայի

ՄԻՊ արագ արձագանքման խմբերն այցելում են Ազատության հրապարակից բերման ենթարկված անձանց
Գագիկ Ծառուկյանը պատերազմի օրերին հանդիպել է ԳՇ պետի հետ, համաձայնեցրել քայլերը. Տոնոյան
Ազատության հրապարակում բերման են ենթարկում ընդդիմադիր գործիչներին. տեսանյութ
թեգերը:
Բողոքի ակցիա, Պատերազմ, Արցախ, Ազատության հրապարակ

Գլխավոր թեմաներ