13:12 24 նոյեմբերի 2020
Ուղիղ եթեր
  • USD505.32
  • GBP675.56
  • EUR600.12
  • RUB6.66
Հայաստան
Ստանալ կարճ հղումը
Խաղաղապահներն Արցախում (57)
107910

Պաշտպանության նախարարի հետ հանդիպման ժամանակ քննարկվել են խաղաղապահ առաքելության կազմակերպման և իրականացման հարցեր։

ԵՐԵՎԱՆ, 11 նոյեմբերի – Sputnik. ՀՀ պաշտպանության նախարար Դավիթ Տոնոյանն այսօր ընդունել է Լեռնային Ղարաբաղի հակամարտության գոտում հրադադարի ռեժիմի վերահսկման նպատակով ժամանած ՌԴ խաղաղապահ զորակազմի հրամանատար, գեներալ-լեյտենանտ Ռուստամ Մուրադովին: Տեղեկությունը հայտնում է ՊՆ մամուլի ծառայությունը։

Министр обороны Армении Давид Тоноян встретился с командующим российскими миротворческими силами генерал-лейтенантом Рустамом Мурадовым (11 ноября 2020). Еревaн
Դավիթ Տոնոյանն ընդունել է ռուս խաղաղապահների հրամանատարին.

«Հանդիպման ժամանակ քննարկվել են խաղաղապահ ստորաբաժանման կողմից առաքելության կազմակերպման և իրականացման հարցեր»,– նշված է հաղորդագրության մեջ:

Министр обороны Армении Давид Тоноян встретился с командующим российскими миротворческими силами генерал-лейтенантом Рустамом Мурадовым (11 ноября 2020). Еревaн
Դավիթ Տոնոյանն ընդունել է ռուս խաղաղապահների հրամանատարին.

Հիշեցնենք` Արցախում ու արցախա-ադրբեջանական շփման գծում ռուս խաղաղապահներ տեղակայելու վերաբերյալ կետն ընդգրկված էր նոյեմբերի 9-ին ՌԴ նախագահ Վլադիմիր Պուտինի, ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի՝ ռազմական գործողությունների դադարեցման վերաբերյալ համատեղ հայտարարության մեջ։

Լեռնային Ղարաբաղի շփման գծում և Լաչինի միջանցքի երկայնքով, որը կապահովի տարածաշրջանի կապը Հայաստանի հետ, կարգուկանոն պահպանելու համար Ռուսաստանը մոտ 2 հազար զինծառայող է ուղարկում: Նրանք ապահովված կլինեն հրաձգային զենքով, 90 զրահամեքենայով, 380 միավոր ավտոմոբիլային և հատուկ տեխնիկայով։

ՌԴ զինված ուժերի գլխավոր շտաբի գլխավոր օպերատիվ վարչության պետ Սերգեյ Ռուդսկոյն ավելի վաղ հայտնել էր, որ Ռուսաստանի խաղաղապահ զորակազմը, որն ուղարկվել է Լեռնային Ղարաբաղի հակամարտության գոտի, հագեցած է ամենաժամանակակից սպառազինությամբ և հատուկ տեխնիկայով։

Արցախում ռուս դիտորդների առաջադրանքներն են (ըստ ՌԴ գլխավոր շտաբի հաղորդման)` հրադադարի խախտումների մասին տեղեկատվության հավաքագրում և այդ տվյալները խաղաղապահների հրամանատարության տրամադրում, տարանցիկ տրանսպորտի երթևեկության անվտանգության ապահովում, խաղաղ բնակչության դեմ հակաիրավական գործողությունների կասեցում։

թեմա:
Խաղաղապահներն Արցախում (57)

Ըստ թեմայի

Ռուսական զինվորական շարասյուները մեկնում են Արցախ
Ռուսական խաղաղապահ ուժերի հրամանատարության ինքնաթիռը վայրէջք է կատարել Հայաստանում
Ղարաբաղում ռուս խաղաղապահներն աջակցելու են հրադադարի պահպանմանը․ Կրեմլ
թեգերը:
խաղաղապահ, Դավիթ Տոնոյան, Հայաստան

Գլխավոր թեմաներ