ԵՐԵՎԱՆ, 11 նոյեմբերի – Sputnik. ՀՀ ԶՈւ երրորդ բանակային կորպուսի հրամանատար, գեներալ-մայոր Գրիգորի Խաչատուրովը չի զորացրվել։
«Նա շարունակում է իրականացնել իր ծառայությունը»,– Facebook սոցիալական ցանցի իր էջում գրել է ՀՀ ՊՆ մամուլի խոսնակ Շուշան Ստեփանյանը:
Ավելի վաղ տեղեկություն էր տարածվել, որ Խաչատուրովը զորացրման զեկուցագիր է գրել:
«Պատերազմը կանգնեցնելն այդ պահի դրությամբ ճիշտ էր, բայց...». Սեյրան Օհանյան
Նշենք, որ Գրիգորի Խաչատուրովը Յուրի Խաչատուրովի որդին է։ Ըստ մամուլում շրջանառվող լուրերի այս տարվա օգոստոսին Տավուշի մարզի սահմանամերձ Չինարիի հատվածում 140 հեկտար դիրքերի բարելավման օպերացիան իրականացվել է գնդապետ Գրիգորի Խաչատուրովի հրամանատարությամբ։
Այս տարվա սեպտեմբերի 20-ին ՀՀ նախագահ Արմեն Սարգսյանի հրամանագրով նրան շնորհվել էր գեներալ-մայորի զինվորական կոչում։
Արցախի շուրջ իրավիճակը կարելի էր շտկել թե՛ այն ժամանակ, թե՛ հիմա․ Արթուր Վանեցյան
