13:01 24 նոյեմբերի 2020
Ուղիղ եթեր
  • USD505.32
  • GBP675.56
  • EUR600.12
  • RUB6.66
Հայաստան
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (480)
110 0 0

Շաքե Իսայանը հայտնեց, որ ԱԱԾ բերման ենթարկված ու հրավիրված անձանցից ոմանց տեղափոխել են ՀՔԾ:

ԵՐԵՎԱՆ, 12 նոյեմբերի – Sputnik. Ազգային ժողովի «Բարգավաճ Հայաստան» խմբակցության պատգամավորներին ԱԱԾ-ում որևէ պատասխանատու պաշտոնյա չի ընդունել: Այս մասին ԱԱԾ-ից դուրս գալուց հետո լրագրողներին հայտնեցին պատգամավորները Իվետա Տոնոյանը, Արման Աբովյանն ու Շաքե Իսայանը:

Նրանք տեղեկացրին, որ, օգտվելով իրենց պատգամավորական մանդատի՝ օրենքով ընձեռած իրավունքից, փորձել են տեղեկություններ ճշտել իրենց առաջնորդ Գագիկ Ծառուկյանի ու ԱԱԾ հրավիրված քաղաքական այլ գործիչների մասին:

«Շուրջ 1 ժամ մեզ սպասելուց հետո մեզ հայտնեցին, որ հանդիպումը հնարավոր չէ, քանի որ միակ իրավասու անձը, որ կարող էր մեզ ընդունել, ԱԱԾ նոր տնօրենն է, որը սրտի նոպայով գտնվում է հիվանդանոցում»,- ասաց Իվետա Տոնոյանը:

Շաքե Իսայանն էլ ասաց, որ իրենց հայտնել են` ԱԱԾ բերման ենթարկված ու հրավիրված անձանցից ոմանց տեղափոխել են ՀՔԾ:

«Մենք հիմա այստեղից գնալու ենք ՀՔԾ՝ հասկանալու, թե ովքեր են տեղափոխվել ՀՔԾ, ինչ կարգավիճակով ու ինչ քրեական գործի շրջանակներում»,- ասաց Իսայանը:

ԲՀԿ անդամները խոստացան, որ իրենց հետագա անելիքների ու պարզած տեղեկությունների մասին հանրությանը կհայտնեն վաղն առավոտյան:

Նշենք, որ ներկա պահին ԱԱԾ-ում են ՀՀԿ գործադիր մարմնի անդամ Էդուարդ Շարմազանովը, «Հայրենիք» կուսակցության առաջնորդ Արթուր Վանեցյանը, ԲՀԿ առաջնորդ Գագիկ Ծառուկյանը, ՀՅԴ ԳՄ ներկայացուցիչ Իշխան Սաղաթելյանն ու ՀՅԴ ԳՄ անդամ Գեղամ Մանուկյանը, «Մեկ Հայաստան» կուսակցության ղեկավար Արթուր Ղազինյանը:

Հիշեցնենք` հայաստանյան 17 կուսակցություններ նոյեմբերի 11–ին, ժամը 13:00-ին Երևանի Ազատության հրապարակում հանրահավաք էին կազմակերպել, որի թեման պատերազմի դադարեցման մասին որոշումն ու դրա հետ կապված հետագա անելիքներն էին։

Մինչ այդ 17 կուսակցությունների խորհուրդը պահանջել էր վարչապետ Նիկոլ Փաշինյանի և կառավարության հրաժարականը:

Այդ 17 կուսակցություններն են «Ազատությունը», «Ազգային անվտանգությունը», «Ազգային օրակարգը», «Ազգային ժողովրդավարական միությունը», «Ազգային համաձայնությունը», «Ալյանս առաջադիմական ցենտրիստականը», «Բարգավաճ Հայաստանը», «Դեմոկրատական այլընտրանքը», «Երկիր Ծիրանին», «Հայ Յեղափոխական Դաշնակցությունը», «Համերաշխությունը», «Հայաստանի ժողովրդավարական ազատական միությունը», «Հայաստանի Հանրապետականը», «Հայաստանի քրիստոնեա-դեմոկրատական միությունը», «Հայրենիքը», «Մեկ Հայաստանը» և «Սահմանադրական իրավունք միությունը»:

Ոստիկանությունը և դատախազությունը հայտարարել էին, որ ռազմական դրության ժամանակ արգելված է հավաքներ իրականացնելը, սակայն հանրահավաքը ոչ միայն կայացավ, այլև վերածվեց քայլերթի։

թեմա:
Իրադրությունը Հայաստանում և Արցախում հայտարարության ստորագրումից հետո (480)

Ըստ թեմայի

Վարչապետն ԱԱԾ գունդ է ուղարկել Գագիկ Ծառուկյանի տուն. Նաիրա Զոհրաբյան
ԱԱԾ–ն մտափոխվել է. Սերժ Սարգսյանին ավելի ուշ կկանչեն
Վանեցյանին ԱԱԾ-ից բաց են թողել, բայց հետո նորից ներս կանչել
թեգերը:
ՀՀ ազգային անվտանգության ծառայություն. ԱԱԾ, Բարգավաճ Հայաստան կուսակցություն (ԲՀԿ), Հայաստան

Գլխավոր թեմաներ