ԵՐԵՎԱՆ, 13 նոյեմբերի – Sputnik. ԲՀԿ ղեկավար Գագիկ Ծառուկյանին այսօր կրկին Ազգային անվտանգության ծառայություն են կանչել։ Այս անգամ, սակայն, Ծառուկյանին կանչել են ընտրակաշառքի գործով։
ԱԱԾ շենքից դուրս գալուց հետո հարցին, թե ինչ էր եղել` Ծառուկյանը պատասխանեց, որ անընդհատ քննում են։ «Ինձ կանչում են, հարցնում են, մենք էլ բոլոր հարցերին պատասխանում ենք»,–ասաց Ծառուկյանը։
Նշենք, որ նոյեմբերի 11-ին նույնպես Ծառուկյանին ԱԱԾ–ին էին տարել և ձերբակալել` ռազմական դրության ժամանակ հավաքներ կազմակերպելու կասկածանքով։ Նոյեմբերի 12-ին լույս 13-ի գիշերը Երևանի ընդհանուր իրավասության դատարանը Ծառուկյանին ազատ արձակեց` ձերբակալումը ոչ իրավաչափ համարելով։
Հիշեցնենք, որ Ծառուկյանը կալանքի տակ է սեպտեմբերի 25-ից։ Հունիսի 14-ին ԱԱԾ–ն խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել` ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։
Զինվորական համազգեստով մի խումբ մարդիկ միացան ցուցարարներին
Հունիսի 16–ին ՀՀ Ազգային ժողովը փակ քվեարկություն անցկացրեց և համաձայնություն տվեց, որ ԲՀԿ առաջնորդ Գագիկ Ծառուկյանը զրկվի ազատությունից։ Սեպտեմբերի 25-ին Երևանի ընդհանուր իրավասության դատարանը բավարարեց Ծառուկյանին կալանավորելու` ԱԱԾ միջնորդությունը։
