17:55 04 դեկտեմբերի 2020
Ուղիղ եթեր
  • USD511.25
  • GBP689.17
  • EUR622.14
  • RUB6.88
Հայաստան
Ստանալ կարճ հղումը
312901

Վանեցյանի պաշտպանները նշում են, որ իրավապահներն անգամ չեն կարողացել պարզել բնակարանի հասցեն ու խուզարկության թույլտվություն են ստացել բոլորովին այլ հասցեով։

ԵՐԵՎԱՆ, 14 նոյեմբերի – Sputnik. «Հայրենիք» կուսակցության ղեկավար Արթուր Վանեցյանը ձերբակալվել է։ Նրա պաշտպաններ Լուսինե Սահակյանն ու Երվանդ Վարոսյանը հայտարարություն են տարածել այդ մասին։

«Միայն պետության ներսում քաղաքական հակառակորդներին լռեցնելու ուղղությամբ «ստեղծագործելու» ունակ իշխանության մտքի թռիչքը հասել է արդեն իշխանության յուրացման ու Նիկոլ Փաշինյանի սպանության նախապատրաստման մեղադրանք «ծննդաբերելուն»։ Այս ամենն արդեն իրավական ոլորտում որևէ կերպ մեկնաբանելն անհնար է»,–գրել է Սահակյանը։

Նրա խոսքով` սա խայտառակ քաղաքական հետապնդում է, ուղղված իշխանական աթոռներին ամեն կերպ կառչելուն, «հակապետական ծրագրերն ու հայրենիքը թշնամուն հանձնելը ավարտին հասցնելուն»։

Պաշտպանները պնդում են, որ ապօրինի խուզարկություններ են իրականացվել Վանեցյանի ծնողների բնակարանում, իսկ Վանեցյանի բնակարանը խուզարկել չի ստացվել, քանի որ իրավապահներն անգամ չեն կարողացել պարզել բնակարանի հասցեն ու խուզարկության թույլտվություն էին ստացել բոլորովին այլ հասցեով։

Դրանից հետո, ըստ Վանեցյանի պաշտպանների, առանց խուզարկության չհեռանալու միտումով ձեռնամուխ են եղել նաև «Հայրենիք» հիմնադրամի գրասենյակի խուզարկությանը։ Դրա թույլտվությունը նույնպես չեն ունեցել։

Վանեցյանն ԱԱԾ-ում ձերբակալվել է ՀՀ քրեական օրենսգրքի 38-235 հոդվածի 2-րդ մասի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը), 35-300-րդ հոդվածի 1-ին մասի (իշխանությունը յուրացնելը), 35-305-րդ հոդվածի (պետական, քաղաքական կամ հասարակական գործչի սպանությունը) կասկածանքով։

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ

Ըստ թեմայի

Գագիկ Ծառուկյանն ու Արթուր Վանեցյանը Հատուկ քննչական ծառայությունում են
Արթուր Վանեցյանը ՀՔԾ–ում հարցաքննվել է կասկածյալի կարգավիճակում
Ներխուժել են Արթուր Վանեցյանի ծնողների բնակարան. «Հայրենիք» կուսակցության մամուլի խոսնակ
թեգերը:
Նիկոլ Փաշինյան, Ձերբակալում, խուզարկություն, Արթուր Վանեցյան

Գլխավոր թեմաներ