21:26 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հայաստան
Ստանալ կարճ հղումը
42920

Ռուբեն Վարդազարյանը խոստանում է նաև կոշտ դիմադրություն ցույց տալ ու քննության առարկա դարձնել թե՛ իշխանական, թե՛ ընդդիմադիր, թե՛ քաղաքական և թե՛ քաղաքացիական հասարակության որևէ օղակից դատարանների ու դատավորների գործունեությանը միջամտելու ու ներգործելու ցանկացած փորձի։

ԵՐԵՎԱՆ, 15 նոյեմբերի — Sputnik. ՀՀ Բարձրագույն դատական խորհրդի նախագահ Ռուբեն Վարդազարյանը կոչով դիմել է հայաստանյան դատավորներին` հորդորելով զերծ մնալ քաղաքական ճնշումներից ու ազդեցություններից։

«Հայրենիքին նվիրումը և մեր առաքելությանը հավատարիմ մնալը ապացուցվելու է այս օրերին, և մենք ենք պատասխանելու այն հարցին, թե ունենք արդյոք անկախ դատական իշխանություն մեր երկրում, թե ոչ: Դատավորի բարձր արժանապատվությունը և պատիվը զուտ բառե՞ր են, թե՞ մեր գործունեության հիմնաքարը: Այսօր է, թերևս, առարկայական ու վերջնական տրվելու շուրջ երկու տարի ողջ հանրությանը ալեկոծած և դատավորներիս համար ամոթալի չարաբաստիկ հարցի պատասխանը. մենք պատերի տակ վնգստացող դատավորնե՞ր ենք, թե՞ հայրենիքին նվիրված ազնիվ պրոֆեսիոնալներ»,– ասված է ուղերձում:

ԲԴԽ նախագահը հիշեցնում է, որ պաշտոնը ստանձնելիս յուրաքանչյուր դատավոր Հայաստանի Հանրապետության ժողովրդի առաջ երդվում է դատավորի պարտականությունները կատարել ՀՀ Սահմանադրությանն ու օրենքներին համապատասխան՝ ապահովելով իրավունքի գերակայությունը և բարձր պահելով դատական իշխանության հեղինակությունը:

Վարդազարյանն իր գործընկերներին կոչ է անում իրենց առաքելությունն իրականացնելիս առաջնորդվել բացառապես Սահմանադրությամբ և օրենքներով, արդարադատությունն իրականացնել դատական իշխանության հեղինակության մասին մտահոգությամբ,  հավատարիմ մնալ ժողովրդին տված երդմանն ու զերծ մնալ բոլոր տեսակի քաղաքական ճնշումներից և ազդեցություններից։

Արթուր Դանիելյանն ազատ արձակվելուց հետո շտապել է Երևանի դատարանի Շենգավիթի նստավայր

ԲԴԽ նախագահը խոստանում է նաև կոշտ դիմադրություն ցույց տալ ու քննության առարկա դարձնել թե՛ իշխանական, թե՛ ընդդիմադիր, թե՛ քաղաքական և թե՛ քաղաքացիական հասարակության որևէ օղակից դատարանների ու դատավորների գործունեությանը  միջամտելու ու ներգործելու ցանկացած փորձ։

Ըստ թեմայի

Արցախում խաղաղ բնակչության հանդեպ հանցագործությունների լրացուցիչ փաստեր են արձանագրվել
Հայ հաքերները կոտրել են վարձկանների փոխադրմանն առնչվող ադրբեջանական ընկերության սերվերները
ԱԱԾ–ն դատարան է ներկայացրել Արթուր Վանեցյանին կալանավորելու միջնորդություն
թեգերը:
Դատավոր, Դատարան, Ռուբեն Վարդազարյան, Բարձրագույն դատական խորհուրդ (ԲԴԽ)

Գլխավոր թեմաներ