21:06 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հայաստան
Ստանալ կարճ հղումը
44210

ՀՀ վարչապետ Նիկոլ Փաշինյանը ստորագրել է փոխարտգործնախարարին պաշտոնից ազատելու որոշումը։

ԵՐԵՎԱՆ, 17 նոյեմբերի – Sputnik. Շավարշ Քոչարյանն ազատվել է ՀՀ արտաքին գործերի նախարարի տեղակալի պաշտոնից։ Տեղեկությունը հայտնում է ՀՀ վարչապետի մամուլի ծառայությունը։

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝
Շավարշ Քոչարյանին ազատել Հայաստանի Հանրապետության արտաքին գործերի նախարարի տեղակալի պաշտոնից»,– նշված է ՀՀ վարչապետ Նիկոլ Փաշինյանի որոշման տեքստում:

Նշենք, որ Շավարշ Քոչարյանի` պաշտոնից հրաժարվելու մասին տեղեկություններ էին տարածվել դեռ երեք օր առաջ` նոյեմբերի 14-ին, սակայն ԱԳՆ մամուլի խոսնակը Sputnik Արմենիային հայտնել էր, որ նա շարունակում է կատարել իր պարտականությունները։

Շավարշ Քոչարյանը Հայաստանի Հանրապետության արտաքին գործերի նախարարի տեղակալի պաշտոնը զբաղեցնում էր 2008 թ. օգոստոսի 2-ից։

Մինչ այդ նա չորս գումարման պատգամավոր է եղել։

Հիշեցնենք` երեկ պաշտոնից ազատվելու դիմում էր ներկայացրել նաև ՀՀ արտգործնախարար Զոհրաբ Մնացականյանը։ Այսօր նա հրաժեշտ է տվել ԱԳՆ անձնակազմին։

Ըստ թեմայի

Վարչապետի պաշտոնանկության հարցը որոշողը վարչապետն է. ինչու են փակվել իրավական այլ ուղիները
Վարչապետի պաշտոնավարման դադարեցում և արտահերթ ընտրություններ. ՀՀ նախագահն ուղերձ է հղել
ՀԿԾՀ անդամը պաշտոնից ազատվելու դիմում է ներկայացրել ԱԺ նախագահին
թեգերը:
Նիկոլ Փաշինյան, պաշտոն, Շավարշ Քոչարյան, Հայաստան

Գլխավոր թեմաներ