ԵՐԵՎԱՆ, 26 նոյեմբերի – Sputnik. Հայաստանում 2020 թվականին վերանորոգվել և կառուցվել է ընդհանուր առմամբ 550 կմ ճանապարհ։ Տեղեկությունը կառավարության նիստում հայտնեց տարածքային կառավարման և ենթակառուցվածքների նախարար Սուրեն Պապիկյանը։
Նախարարն արդյունավետ է համարում սուբվենցիոն ծրագրերի իրականացումը։ Նրա խոսքով`ճանապարհների շինարարության ժամանակ որոշակի բարդություններ են եղել վարկային նախագծերի իրականացման հետ կապված, որոնք առաջացել են կորոնավիրուսի համավարակի և Արցախում պատերազմի հետևանքով ։ Չնայած դժվարություններին` ընդհանուր առմամբ հաջողվել է ավարտին հասցնել սուբվենցիոն ծրագրերով նախատեսված ճանապարհաշինարարությունը։
Վարչապետ Նիկոլ Փաշինյանն իր հերթին կոչ արեց հնարավոր ամեն ինչ անել՝ սուբվենցիոն նախագծերից առավելագույնս օգտվելու համար: Նախարարը հավելեց, որ ինքն ու իր ենթականերն ուշադիր հետևում են շինարարությունների ընթացքին։
Երևանի «Արաբկիր» մանկական զբոսայգու կողքին նոր այգի կկառուցվի
