20:33 22 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Հայաստան
Ստանալ կարճ հղումը
315 0 0

Սյունիքի մարզպետի պաշտոնից հրաժարված Հունան Պողոսյանը կշարունակի պաշտոնավարել մինչև կառավարության համապատասխան որոշումը։ Նա նշել է, որ հիմա սահմանագիծն ավելի բարենպաստ ու անվտանգ է, խնդրել է ավելի ամրացնել ու պաշտպանել այն։

ԵՐԵՎԱՆ, 1 դեկտեմբերի - Sputnik. Սյունիքի մարզպետ Հունան Պողոսյանի պաշտոնից հրաժարվել է ներկա իրողություններին չհամակերպվելու պատճառով։ Սյունիքի մարզպետարանը Facebook-ում հրապարակել է նրա պարզաբանումը։

«Որքան էլ փաստարկները, պարզաբանումները, հիմնավորումները հասկանալի, տրամաբանական ու համոզիչ են թվում, միևնույնն է, չկարողացա և չեմ կարող համակերպվել այս իրողությունների հետ։ 30․11․2020թ․ դիմում եմ ներկայացրել ՀՀ վարչապետին՝ ինձ իմ դիմումի համաձայն Սյունիքի մարզպետի պաշտոնից ազատելու խնդրանքով։ Սա էր 16․11․2020թ․ նշածս միանշանակ և անբեկանելի որոշումը»,- նշել է մարզպետը։

Նա շնորհակալություն է հայտնել սյունեցիներին, իր բոլոր գործընկերներին, մարզի խոշորացված համայնքների, նաև բոլոր բնակավայրերի վարչական ղեկավարներին, նրանց աշխատակազմերին, որոնք օրինակ են ծառայել թե՛ հայրենիքի սահմանները պաշտպանելիս, թե՛ Արցախի համար թիկունք ապահովելիս։

Պողոսյանը նաև շնորհակալություն է հայտնել բոլոր նրանց, ովքեր պատերազմի ընթացքում ամուր թիկունք են կազմել ու փորձել թեթևացնել Արցախի հոգսերը։

Մարզպետն առանձնահատուկ շնորհակալություն է հայտնել զինվորներին՝ շարքայինից մինչև գեներալ։ Իր խոնարհումն է հայտնել հայրենիքի պաշտպանության համար նահատակված հերոսներին։

«Վերջին օրերի ընթացքում բոլորիս համատեղ ջանքերի շնորհիվ Սյունիքում այս պահի դրությամբ ունենք ավելի բարենպաստ և անվտանգ սահմանագիծ․ խնդրում եմ էլ ավելի ամրացնել և պաշտպանել այն»,- ասել է Պողոսյանը։

Նա նաև տեղեկացրել  է, որ շարունակում է պաշտոնավարել մինչև կառավարության համապատասխան որոշումը։

Նշենք, որ Հունան Պողոսյանը Սյունիքի մարզպետ է նշանակվել 2018թ–ի հոկտեմբերի 16–ին։ Մինչ այդ նա զբաղեցնում էր ՀՀ ոստիկանության պետի, ապա պետի առաջին տեղակալի պաշտոները:

Ըստ թեմայի

Հացադուլավորները հարգել են կաթողիկոսի հորդորն ու դադարեցրել բողոքի ակցիան
«Փաշինյանի հրաժարականը շատ կարճ ժամանակում իրականություն է դառնալու». Վանեցյան
Շիրակի փոխմարզպետ Վարդան Գրիգորյանը հրաժարականի դիմում է ներկայացրել
թեգերը:
Հրաժարական, Սյունիքի մարզ, Հունան Պողոսյան, Հայաստան

Գլխավոր թեմաներ